الزمن الجميل

زمن الروقان والطيبة كمان
والود دا كمان في دنيتنا
رضا الأحوال وراحة البال
والجيرة الحلوة دي وحشتنا
وكان ياما كان أصحابنا زمان
وأخواتنا وولاد حتتنا
دار الأوبرا وشارع شبرا
والموسكي والأزهر سكتنا
وراديو زمان أيام رمضان
والشيخ رفعت يحيي ليلتنا
وفانوس أبو باب ويا الأحباب
ونقول وحوي على باب بيتنا
وييجي العيد أبو لبس جديد
وعشرة قروش عديتنا
كان بعد إذنك ولا إسمحلي
أو من فضلك دي لزمتنا
حتى العشاق كان فيه أخلاق
ورومانسية في محبتنا
الزمن ده راح فين ونجيبه منين
الله يرحم يا دنيتنا