سما المصري: «فرحت في وقف برنامج ريهام سعيد علشان تبقى عبرة»
قالت الفنانة الاستعراضية، سما المصرى: «أنا انتقدت الإخوان في عهدهم، في وقت كانت شنابات كتير مريحة في بيوتها».
وأبدت خلال حوارها مع الإعلامية نادية حسنى، ببرنامج «بالألوان الطبيعية»، المذاع على فضائية «دريم»، استغرابها من الإعلامية ريهام سعيد، وبرنامجها الموقوف «صبايا الخير» متسائلة: «يعنى إيه مذيعة تدخل بيت دعارة وتصور فيه، وأيه الرسالة اللى كانت عايزة تقدمها للناس».
وأضافت: «إيه الرسالة يا ريهام من إنك تطلعى نساء مصر وحشة، وأنا مع قرار إيقاف البرنامج، وضد قرار عودته مرة على الفضائيات»، مشيرة إلى أن المجتمع هو الذي أوقف البرنامج، وليست القناة.
وأكدت ريهام سعيد، متعرفش تتكلم في الخير بس ولازم تاخد حاجة جنبه، واصفة حلقة «ريهام سعيد»، لفتاة المول بـ«البجاحة، وأنتى مالك تعرضى صورت الفتاة، مع الشباب، أنتى مالك؟»، مؤكدة: «فرحت في وقف برنامج ريهام علشان تبقى عبرة».
