قصيدة اسمع كلامي لـ«إكرام عيد»
أسمع كلامى
ويلا فكك م الكسوف
عايزة أشوف الحب
في عيونك وأطوف
مبقتش قادرة ع الكلام
ولا انت قادر ع الكسوف
يلا اعترف
انى حبيبتك من زمن
ده الحب
في عيونك شهيد
يلا اعترف
قبل ما يكسرنا الزمن
دى فريضة
العشق المباح
من حقنا
فبلاش نضيع عمرنا
راح أخرج المارد
واقوله يخطفك
ويحبسك
جوه الفانوس
يلا اعترف
بالحب
ياحلمى العنيد
علشان نطير ويا القمر
نزرع زهور الحب
وننسج أمل
على نول حياتنا
من جديد
ونترسم جوه العيون
بستان أمان
