«الشراقوة» يُدشنون هاشتاج «ضد رحيل المحافظ المحترم».. محمد: «هننزل ونطالب برجوعه».. المصري: «أناشد الرئيس بالتدخل لمراجعة القرار المستفز».. أبويوسف: «عيب أ
دشَّن شباب محافظة الشرقية، على موقع التواصل الاجتماعي «فيس بوك»، هاشتاجًا جديدًا، حمل عنوان «ضد رحيل محافظ الشرقية المحترم دكتور رضا عبدالسلام»، تفاعل معه الكثير من النشطاء، مطالبين خلاله بالإبقاء على الدكتور رضا عبدالسلام محافظ الشرقية في منصبه، بعد قرار أحمد زكي بدر وزير التنمية المحلية، بإقالته من منصبه، وحرصت «فيتو» على رصد الآراء.
«لازم نرجعه»
قال مهدي: «مين نازل يا جماعة يوم الحد ضد رحيله ولازم نرجعه بس لازم نكون عارفين كويس أن ممكن ناس تدخل وسطينا بلطجية ويحدث شغب فلازم نخلي بالنا كويس ياريت اللي نازل يكتب تم»، وتابع عادل محمد قائلا: «حرام والله الرجل كان شغال كويس أين الرئيس من ذلك».
وأضاف محمد المصري، قائلا: «أناشد أناشد أناشد الرئيس السيسي بالتدخل الفوري والسريع في مراجعة هذا القرار الخاطئ والمستفز الذي أصدره المدعو أحمد زكي بدر الذي يتحدى به شعب محافظة الشرقية وما يمثله هذا القرار من سياسة مضادة للرئيس السيسي، فهذا ليس من مصلحة البلد نهائيا»، وقال أبويوسف المصري: «الراجل ده محترم وشغال عيب أوي يمشي من محافظة كبيره زي الشرقية، أرجو بقاءه».
وتساءل محمد السيد، قائلا: «إيه أسباب القرار ده من حقنا نعرف»، وقالت مريم أحمد: «المفروض أهل الشرقية المعروفة بالكرم والجدعنة تقف بجد مع المحافظ المحترم الدكتور رضا عبدالسلام وتجيب حقه طالما شعبية المحافظ حارقة دم زكي بدر لما لقى أهل المحافظة بتطالب بتأييده فطلع قرار بإقالته لازم نعرفه إن إرادة الشعب أقوى منك وعلى الرغم أنه طلع قرار الإقالة بس بردوا هننزل ونأيد المحافظ ونطالب برجوعه لينا مرة تانية».
«كفاية عنتظة»
وقال هيثم: «الراجل ده مش يستاهل الناس تنزله هو عمل إيه يخليكوا متمسكين بيه كده، الفالح راح يقفل الدروس الخصوصية والتعليم بايظ في المدارس أصلا ورايح يشتم المدرس ويقول أنا أحطه تحت جزمتي وعايز يخلي الناس تنزله عشان يعمل بلبلة في البلد ويلفت الأنظار حواليه إيه الإنجازات اللي عملها اللي تخليه يطلع في التليفزيون ويقول قصة حياته وسايب كل حاجة في البلد والطرق الزبالة ومدخل الزقازيق اللي يشرح القلب وراح يمسك في المدرسين.. كفاك عنتظة».
