اللي حصلي في «المترو»

في المترو
كانت أول مرة قابلته
قاعد جمبى
كان بيفكر
ازاى يقدر يملك قلبى
قرب ليا
قال لو ممكن
أعرف اسمك
قلتله ليه
من غير ليه
يمكن مرة في مرة احبك
وأمشى معاكي لآخر الخط
تبقى حبيبتى وأبقى حبيبك
أمسك ايدك
جوه في قلبى
مش هتخبي
عمرى ما اخبى
قدام كل الدنيا هأعدى
طيب عدى
أصل المترو جى هناك
وانا هتأخر
ممكن أمشى
أنا يوميا بانزل غمرة
الساعة تسعة الصبح ياحلوة
ممكن اشوفك
اوعى كسوفك يرفض طلبى
عدينى يلا قبل الزحمة
يمكن اشوفك بكرة
في حلمى.