هاشتاج «إيهاب أجدع شاب في مصر» يستقطب تعاطف نشطاء «فيس بوك» بعد تخلى المسئولين عنه.. «البيلى»: «لقي 260 ألف جنيه ورجعهم لصاحبهم».. «شهوان»: الأمانة لا

إيهاب حسين شاب مصري يقطن بمدينة العريش، كان يدرك جيدًا أنه يقوم بعمل إنساني بحت، قد لا يجد مردودا له عند البعض، لكنه لم يتردد في أداء مهمته، وذلك عندما وجد 260 ألف جنيه فقرر أن يسافر بنفسه للقاهرة لإعادة المبلغ لصاحبه، ورفض أن يأخذ أجر مواصلاته من العريش حتى القاهرة.

وعود بالتعليم
النشطاء أكدوا أن أحد أصحاب القنوات الفضائية تعهد لـ «إيهاب» بتعليمه وإقامة مشروع يوفر له حياة كريمة، لأنه يعمل فني «عفشة» سيارات، لكن ذلك لم يتحقق، وهو ما دفع نشطاء موقع التواصل الاجتماعى «فيس بوك» إلى تدشين هاشتاج "إيهاب أجدع شاب في مصر"، وهاشتاج آخر بعنوان "حلم إيهاب" لتأكيد ضرورة تحقيق حلم إيهاب، وحتى يعلم الأمناء أن هناك مردودا مجتمعيا إيجابيا لأمانتهم.

ورصدت فيتو ردود وتعليقات نشطاء موقع التواصل الاجتماعى على موقف «إيهاب»:

فني العفشة
قال محمد البيلي: «شايفين صاحب الضحكه الرهيبة دا.. دا إيهاب فني العفشة ابن بلدي الجدع..لو ناسيينو هفكركم بيه.. فاكرين ابن العريش اللي لقي 260،000ج ورجعهم لصاحبهم ومرضيش ياخد حتى أجرة مواصلاته للقاهرة.. ها افتكرتوه؟
اللي استضافوه في القنوات ووعدوه باستكمال تعليمه ومشروع يوفرله حياة كريمة وحتى الآن ولا في أي حاجه اتعملت. للأسف إيهاب مسلم أمره لله ومش ناوي يجري ورا وعود مضللة.. بس فين دور المجتمع معاه؟.. ادعم الفكرة وشارك في الهاشتاج.. حلم إيهاب.. إيهاب أجدع شاب في مصر.. عشان يقدر يحقق أبسط أحلامه»، وأضاف السيد حسونة: "إيهاب طالما هو في مصر وملوش واسطة انسي".

وتابع رشيد شهوان: "الأمين وحفظ الأمانة" لا تعادلها صفة في بشر فهى باب النجاح والسعادة في الدنيا والآخرة بدون تدخل أو دعم من أحد فيكفيه محبة الله وهو من ييسر له الخير وأبواب النجاح......محمد البيك بلغ صديقك الأصيل أطيب تحياتى واحترامى له".

مستحيل ينسى
وعلق مهاود بن كايلد: "هما فكرونا هننسى إيهاب لكن بالعكس إيهاب بالذات مستحيل يتنسي.. فاكرين إيهاب من العريش الشاب اللي لقى260 ألف جنيه وسافر أكتر من ٤٠٠ كيلو عشان يرجعهم لصاحبهم ورفض ياخد مقابل ولا حتى أجرة مواصلاته".

رجع الحق لأصحابه
وأضاف "كايلد": "إيهاب كان ممكن يعتقلوه في أي كمين ومستقبله يضيع هو وأخته ووالدته بس مكنش في دماغه غير حاجة واحدة بس أنه يرجع الحق لأصحابه.. قناة Ten استضافته وصاحب القناة عمل عليه تمثيلية... طلع على الهوا ووعده بتكفل نفقات دراسته هو وأخته ونفقات علاجه هو ووالدته ومشروع يكفله حياة كريمة ومفاجآت تانية.. احنا فرحنا اوي بس إيهاب محطهاش في دماغه من أساسه لحد دلوقتي مفيش ولا وعد اتنفذ لحد دلوقتي محدش قاله ازيك حتى إيهاب الشاب الجدع محتاجنا احنا معاه... احنا اللي هنساعده أي حد عنده أي مشكلة في عفشة عربيته أو العجل يااااريت يروح عند إيهاب هو محتاج كل قرش ياريت نقف جنب أجدع شاب في مصر".