ساخرون: لو ماعندكش كلب تبقى أمك رقاصة

واحد راح يستقبل ابن عمه في المطار المهم وهم راجعين من المطار بيسأله: انت بقالك عشر سنين في أمريكا… كنت بتدرس ايه؟
رد عليه ابن عمه: كنت بدرس علم المنطق
قاله: ايه هو علم المنطق؟
رد عليه:صعب اللي درسته في عشر سنوات اشرحهولك في ساعه بس انا هاديك مثال على المنطق. قاله: اوكي سأله أبو المنطق: انتوا عندكم كلب في البيت صح؟
رد عليه: ايوة عندنا.
قاله: ادام عندكم كلب اكيد انكم عاملين له بيت في الحوش
رد عليه: صح عاملين
قاله: مادام أنه عندكم حوش اكيد انكم عايشين في فيلا
رد عليه: صح إحنا عايشين في فيلا
مدام انكم عايشين في فيلا اكيد أن ابوك غني
رد عليه:صح ابويا غني
قاله: مدام أنه ابوك غني اكيد أن امك تقعد في البيت يعنى مش محتاجه تشتغل رقاصة عشان تجيب فلوس
رد عليه: صحيح امي قاعدة في البيت
قاله: هذا هو المنطق، انك تبني شيء على شيء من وجود الكلب في بيتكم استنتجنا أن امك مش رقاصة
ردعليه:ياااااااااااا هو ده المنطق؟ المهم …. صاحبنا راح عند صحابه باليل وحب يتفلسف عليهم وسالهم ياشباب تعرفون ايه هو المنطق ؟
رد واحد لا والله ما نعرفش قال: انا اقلكم، سأل صاحبه: انتوا عندكم كلب في البيت ؟ رد عليه صاحبه: لا ما عندناش، قاله: تبقى امك رقاصة