«الميد تيرم» يشعل التعليقات الساخرة على «تويتر».. أم كلثوم: أقولك على اللي مسهرني كان عندي ميد تيرم.. نور: امتحان 20 درجة علم عليا.. روان: كفاية بقى كده سيبوني عليه..مو حمدي: هدخل
![صورة أرشيفية](images/no.jpg)
دشن النشطاء هاشتاج ساخرا بعنوان "ميد تيرم" للتعبير عن انشغالهم وخوفهم من امتحانات نصف العام، والتي تعقدها المدارس والجامعات هذا الأسبوع، نشطاء "تويتر" من الطلبة الذين شغلتهم الامتحانات، قاموا بكتابة عدد من التعليقات الساخرة، مشيرين إلى أنهم لم ينتهوا من استذكار دروسهم بعد الاستعداد للميد تيرم.
اتحط عليا
قالت أم كلثوم: "وأقولك على اللى سهرنى؟ - قولي - كان عندى ميد تيرم - وأقولك على اللي بكانى؟.. – قولي - اتحط عليا في الميد تيرم".
وسخر الغزالي: "ونخاف من بكرة ليه.. مين عارف بكرة إيه؟ - ميد تيرم..... - لا نخاف.. ميد تيرم".
وأضاف نور: "انت مبتجيش الميد تيرم ليه - أنا أهم من إني آجي وامتحان بـ20 درجة يعلم عليا.. ميد تيرم".
وعلق عبده لطفي: "أنا لا ذاكرت ولا حليت وهجيب مجموع حلو.. ميد تيرم".
وتابع مو حمدي: "ميد تيرم إيه بقى مع الماتشات بتاعت النهاردة دي هنعوض في الفاينال.. أنا هدخل الميد تيرم بغرض المشاركة لا المنافسة".
كفايا بقى كده
وقالت روان أبو زيد: "ميد تيرم كفاية بقي كده! سيبوني عليييه!!"
وعلقت شهد عالم: "ممكن حد يقنعني إنو بكرة عندي ميد تيرم عشان مخي للآن واخد أجازة والله".
وأضافت مريم عمر: "ميد تيرم أنا عندى أمل بالليل يطلع حد يدينا أجازة بكرة والميد تيرم يتلغى".
وتابع أحمد سمير: "طب انت ذاكرت ولا لسه =آه الحمد لله ذاكرت بس فاضلي 8 محاضرات.. ميد تيرم".
زى فنلندا
وقالت مرينا مكرم: "ميد تيرم.. نفسى نبقى عاملين زى فنلندا هناك الطالب مابيمتحنش امتحان واحد في حياته".
وأضافت أبرار يوسف: "عدى ولا لمحته ميد تيرم".
وأضافت آلاء إسماعيل: "يا رب أذاكر بقى.. ميد تيرم".
وعلق أحمد إبراهيم: "ميد تيرم آه ياني يامي.. ياني يامي.. ياني يامي لا سحيح أنا بحس إنه الناس موش فاهمة ميصحش كده".
وسخر مؤمن أبو المعاطي: "ميد تيرم مش كل شوية تفكروني بيه ميصحش كده".
ياخوانا عيب
وقال محمد جابر: "ياخوانا عيب والله أما نبقى في سنه خامسة وعايزين تمتحنونا ميد تيرم....بكالوريس الهنا".
وأضاف أبو تمام: "ميد تيرم 2012 عرفت تحلها كان بها معرفتش خد أسامشن ولا يكلف الله نفسا إلا وسعها".
وعلق أحمد بن قنديل: "مع الأسف يابا الكلية دي غابة مالناش مكان فيها.. ميد تيرم تالتة مدني".
وأضاف شريف عبد الله: "الميد تيرم أوحش حاجة فيه إنك لما تخلصه وترتاح من تعبه تلاقي التيرم أو الفاينال خبط في وشك بعديه على طول.. ميد تيرم".
وتابع شيكو: "ميد تيرم يخرب بيوتكم بتفكرونا ليه".
وعلقت أميرة أحمد: "ميد تيرم كلمينى عن شكل المنهج وحاولى تكدبى عليا".