ثورة على مدرب المنتخب في مواقع التواصل الاجتماعي بعد الهزيمة من تشاد.. «ارحل يا فاشل».. «مجدي عبد الغني هيفضل يذلنا».. «رجعنا تاني للأداء المشرف».. و«100 سنة ضوئية ف
أعرب عدد من نشطاء موقع التوصل الاجتماعي "تويتر"، عن استيائهم من خسارة المنتخب المصري الوطني أمام تشاد في تصفيات كأس العالم، وانتهت نتيجة المباراة بهدف نظيف لفريق تشاد، وعلى الفور أطلق النشطاء هاشتاجا للسخرية من أداء المنتخب خلال المباراة، مطالبين بضرورة الاستغناء عن هيكتور كوبر، مدرب المنتخب.
الأداء المشرف
وقال عادل نبيه: "رجعنا تاني للأداء المشرف وكأن ثورة لم تقم، ارحل يا فاشل تشاد غلبتنا"، وسخرت مروة قائلة: "شفت يا عماد اللي حصلنا من تشاد، لا هنصعد كأس العالم ولا دورة رمضانية حتى وهنخرج بفضيحة زي المرة اللي فاتت".
مجدي عبد الغني
وغرد "أهلاوي": "التيشرت الأبيض ده اللي جايبلنا الفقر، أنا عايز أفهم إحنا بنلبسه ليه أصلا، يا جماعة نلبس أسود بلاش أحمر كمان بس نكسب"، وعلق عبد الرحمن: "واضح إن مجدي عبد الغني هيذلنا لحد 2022، مفيش فايدة يا جماعة إحنا هنقضيها دوري من غير جمهور".
100 سنة ضوئية
ومن جانبه قال أحمد سميح: "الفكرة مش إننا ندخل كأس العالم الفكرة في إننا ننافس على كأس العالم بس إحنا مش عارفين نحقق الفكرة الأولى تفتكر هننجح في التانية"، وقال محمد: "الفرق بين المنتخب اللى خسر من البرازيل 4/3 بالعافية والمنتخب ده 100 سنة ضوئية".
انسى اللي حصل
واستنكر بيومي أداء المنتخب قائلًا: "إيه اللي المنتخب بيعمله ده؟؟ ده لعب مركز شباب الحبانية مش منتخب مصر والله"، فيما قالت دينا: "السبب الرئيسى لأداء المنتخب إن إحنا أصلا مينفعش نروح روسيا ولا إنتو نسيتوا الطيارة"، وقال الأمير: "كل من جاد وانسى اللى حصل في تشاد، مش مكتوب علينا ندخل كأس العالم ولو بعد حين".
