بيرم التونسى يكتب: دولة الإخوانجية

دولة الإخوانجية قصيدة كتبها بيرم التونسى في أعقاب وقوع حادث «المنشية» في محاولة اغتيال عبد الناصر بالإسكندرية في أكتوبر 1954 يتخيل فيها مصر تحت حكم الإخوان يقول فيها:

كفاية يامصر لو يبقى الهضيبى... وأعوانه على عرش الإمارة
وسيد قطب يعطوه المعارف..وسيد فرغلى ياخد التجارة
وعودة يعودوه ضرب المدافع..وسى عبد الحكيم عابدين سفارة
وسى عبد العزيز أحمد يسوقها..ويتولى المواصلات بالإشارة
وكل جهاز يتعين عليه..عمد في كل قرية وحارة
محافظ مصر خريج الدباغة...وتحته وكيل خريج النجارة
ويقنى الكمسارى أكبرها عزبة...ويقنى السمكرى أضخم عمارة
وتخلص مصر من عيلة الدخاخنى...إلى عيلة الخواتكى أو شرارة
ويومها تحلق الإخوان ديونها.. ويترص الحشيش ملو السيجارة
وحياتك لإيد اللص تقطع...ولا تبطل مواخير الدعارة
ويبقى الشعب هواه في الفلافل.. وطرشى الحاج سيد والبصارة