أحمد موسى يغلق التليفون في وجه مرشحة حزب النور
اتصلت مرشحة حزب النور سوزان سمير، بالإعلامي أحمد موسى، قائلة له: «إدينى فرصتى ومتقاطعنيش أنا لا عاوزة شهرة ولا أي حاجة من برنامجك، ورفضت أطلع معاك فيه، فاسمعنى لاحسن أقفل السكة، عندى استعداد أرفض الكلام معاك».. ليقوم «موسى» بإغلاق الخط أولا.
واستنكر الإعلامي أحمد موسى، خلال تقديمه لبرنامج «على مسئوليتى» المذاع على قناة «صدى البلد»، موقفها، قائلا: «إنتى مين أصلا، دنتى ليكى الشرف إنك تدخلى معايا في البرنامج، لا انتى ولا حزب النور بتاعك تهمونى، مضايقة نفسك كده ليه وزعلانة؟»
وأردف الإعلامي قائلا: «أنا بشكر حضرتك، دنا جايبك عشان توضحى للناس حزب النور وعمايله، زعلانة أوى عشان الحزب، الشهرة اللى عندى معمولة من الشعب والناس المحترمين اللى بيدو ثقة فيا وفى البرنامج، أنا مبتعاملش مع نجوم عشان شهرة».
