استياء بين أهالي الدقهلية بسبب ارتفاع سعر الطماطم قبل عيد الأضحى

ارتفع سعر الطماطم، بأسواق الخضار بالدقهلية، قبل أيام عيد الأضحى، حيث وصل الكيلو الواحد لـ7 جنيهات، ما أدى إلى استياء الأهالي.

وقالت حميدة علي، من أبناء مدينة دكرنس: "الطماطم دايما بترتفع أسعارها قبل العيد ولكن مش بيكون الكيلو بـ7 جينهات، لازم يكون فيه رقابة على الأسعار لأن التجار بيستغلوا الناس".

وأضاف علي إبراهيم، 40 سنة، من أبناء مدينة المنصورة: "أنا كل أسبوع بنزل السوق أشترى مستلزمات البيت، وفى المناسبات زي العيد بنزل أشترى الخضار بزيادة وفوجئت بارتفاع سعر الطماطم لـ7 جنيه يعنى اشترى 2 كيلو بـ15 جنيه! ده حرام".

فيما أكد أحد التجار بمدينة دكرنس: "التجار الكبار هما اللي بيحتكروا السوق ويبيعوا بالأسعار التي يرغبون فيها وكل دا بيكون على حساب المواطن الغلبان".