فاكر لما قابلتك

فاكر لما قابلتك
عند نقابة الصحفيين
كنت حزين
لون الفجر
في عينك باهت
خطوتى تاهت
وأنت مكانك
فجأة لمحت الشوق المطفى
جوه كيانى
بيترجانى يخرج تانى
وأنت هناك
واحد تانى
قلتلى يومها
كل مشاكلك
لما قعدنا عند الكنبة
المتوضية بلحظة خوف
قلت هاشوف
قلتلى انك عايز تنسج
حلم جديد
تلبسه فوق أيام الخوف
واني هاكون
النور الأبيض
جوه حياتك
قلت يا رب الحلم يتم
فجأة لقيتك
لسه مكانك وأنا في مكانى
لما لقيتك واحد تانى