تاجر الصنف.. هرب من المباحث.. وأسقطه "كلب"!

جلس احمد مع عدد من زملائه تجار المخدرات، يتفاخر بصولاته وجولاته وقدرته على مراوغة رجال المباحث والهرب منهم.. وقال: "انا الوحيد اللى دوخ الشرطة السبع دوخات.. ومفيش ظابط يقدر يعرف انا مخبى البانجو فين".. وبعد انتهاء السهرة تركهم وعاد الى منزله.. وقبل دخوله فوجئ بقوة من الشرطة تستوقفه.. بادرهم قائلا بثقة: "فيه ايه يا باشا.. انا سليم وكله تمام ولو عاوز تفتش فتش".. فتشه رجال الشرطة بدقة ولم يعثروا معه على شيء.. بدت عليه علامات السعادة والشماتة وهو يقول: "ممكن ادخل بيتى بقى؟".. أجابه الضابط بتحد: "طبعا ممكن.. بس بعد تفتيشه".. تنهد "احمد" فى ضيق وقال: "اتفضل يا باشا فتش وبرضه مش هتلاقى حاجة".. ضحك الضابط وقال: "مش انا اللى هافتش".. ونظر الى كلب ضخم  يمسكه احد أفراد الشرطة.. ارتبك تاجر المخدرات بشدة عندما انطلق الكلب الى داخل شقته وراح يشمشم فى كل مكان، الى ان عثر على 30 لفافة ورقية مدفونة فى إحدى الحجرات بها 60 كيلو بانجو.. عقدت الصدمة لسان "احمد" ولم ينطق بكلمة واحدة.. سأله الضابط: "إيه رأيك فى الكلب ده؟".. نظر الى الكلب بغيظ شديد وقال: "بقى انا دوخت المباحث.. وأخرتها يصطادنى كلب".. ثم خرج مع المباحث الى مركز شرطة الاسماعيلية وهناك اعترف بحيازته للبانجو بقصد الاتجار وتولت النيابة التحقيق.