«الداخلية» تبدأ التحقيق حول فيديو تقاضى أمين شرطة بالمرور «رشوة»
![فيتو](images/no.jpg)
تجرى الأجهزة الفنية المختصة بوزارة الداخلية، تحقيقات بشأن واقعة تقاضي أمين شرطة بالمرور، رشاوى مالية من المواطنين لإنهاء أوراقهم، للوقوف على ملابسات الواقعة، والتأكد من صحتها، وفى حالة ثبوتها، سيتم اتخاذ الإجراءات القانونية حيال أمين الشرطة المخالف.
وتداول نشطاء بمواقع التواصل الاجتماعى مقطع فيديو لأمين شرطة في إحدى وحدات المرور، أثناء تقاضيه رشوة من مواطن مقابل سرعة إنهاء أوراقه.
وقال ناشر الفيديو: «أمين شرطة بالمرور واقف على شباك مطابقة البصمة للسيارات الملاكي الدور الثاني، المفروض إنه بياخد من الناس جواب فيه بصمة العربية ويطابقه بالملف عنده ويسلمه تاني، اللي بيحصل إنه عامل نوعين خدمة 1 خدمة vip، دي بتكرمشله 10-20 جنيه في إيده ويخلص الورق بسرعة ويجيبهولك على شباك تاني في حدود 5-10 دقائق، والنوع التاني بتتعامل معاه عادي جدا لو مكرمشتش بيلطعك ويجيب ورقك ويحطه تحت الشباك عنده لحد متزهق وتتخنق وفي الآخر تدفع برضه علشان تمشي، أنا واحد من الناس اللى مرضيتش تدفع وكان معايا 3 كمان، وقفت أكتر من ساعتين علشان آخد ورقي».