يا جزارين

ياجزارين ليه غابت الرحمه
الناس تايهه والهموم زحمه
أسعاركم خلت الجيوب فحمه
العقل قال للمعدة بلاها لحمه

ياهلا بطبق فول كل صبحية
يخلينى اسد في ليالى شتوية
فيتامين نشاط لغاية الفجرية
بالرضا والصبر حياتنا وردية

والعدس الله عليه طبق حبنا
ياحلاوة الفته منه ومين زينا
وأيام تعدى ونحمد فيها ربنا
رزقنا الأمن يديم علينا امننا
ياجزارين الغنى مش فلوس
الغنى بالرضا قناعة النفوس
الزباين تبقى عليكم هكسوس
تحل البركة من ربنا القدوس