«مش لاقي لسخونتي دوا» قصيدة لمينا أميل يوسف

مش لاقي لسخونتى دوا
إجهاد حرارى إحساسى ناري
حاسس أن جسمى بيتشوى
أنا اللى راسى بتتكوى
وشغلى كله لف في شمس
مش لاقى ولا نسمة هوا
الدنيا حر بكره وأمس
وحكومتى بتشغلنى في حر
ولا يوم إجازة قفايا أحمر
أنا اللى ماشى حمار ينجر
ووشى من الأمراض اصفر
لفيت على كل البلاد
ما لقيت بلد في قسوتك
وخلاص مشوية الولاد
ونسيت أنا حنيتك
ابنك في الحجز اتشوى
والتانى في الخانكة اتشوى
والمسئول وطى التكييف
وشايفنى راسى بتتكوى.