بالصورة.. ثورة الإنترنت للحكومة: «مش عايزين العيدية»

قالت الصفحة الرسمية لثورة الإنترنت، إن الحكومة المصرية ممثلة في وزارة الاتصالات وتكنولوجيا المعلومات، استغلت وقفة عيد الفطر المبارك، لتمرير تخفيضات أسعار الإنترنت مصحوبة بسياسة الاستخدام العادل للإنترنت.

وطالبت الصفحة أعضائها في بيان رسمي صادر عنها، بالمشاركة في استفتاء على الأسعار الجديدة التي طرحتها الوزارة اليوم، ذلك للمشاركة في حملة تصعيدية لرفض تلك الأسعار.

وأضافت الصفحة نصًّا، "الأسعار لما تتحدد بالشكل ده وفي وقت زي الوقفه عشان الناس تنسي وتتلهي فـ العيد وميعملوش حاجه.. اوووعي تنسي حقك ولا تسكت عليه.. العيد هيخلص وهيعدي.. ولكن نصباية الأسعار الجديدة.. دي هتفضل معاك كتير وهنعاني كلنا منها... وواضح رفضنا ورفضكم لها وكلامنا هيمشي.. شارك فـ استطلاع الرأي عشان كلامنا يبقي باسم الكل".

يذكر أن وزير الاتصالات خالد نجم أعلن في مؤتمر صحفى اليوم الخميس أسعار الإنترنت الجديدة وجاءت كالتالى:
١- إلغاء سرعة ٢٥٦
٢- إلغاء سرعة ٥١٢
٣- ١ ميجا بسعر ٥٠ جنيها مع نحو ١٠ جيجا استهلاك.
٤- ١ ميجا بسعر ٩٥ جنيها مع سعة بنحو ١٠٠ جيجا استهلاك.
٥- ٢ ميجا بسعر ١٤٠ جنيها مع سعة 150 جيجا استهلاك.
٦- ٤ ميجا بسعر 220 جنيه مع سعة بنحو 200 جيجا.
٧- ٨ جيجا بسعر ٣٥٠ جنيها مع سعة بنحو ٣٠٠ جيجا استهلاك.