القلق والتوتر يسيطران على طلاب الثانوية العامة قبيل إعلان النتيجة.. نور: «الواحد أعصابه سايبة».. ريم: «وبعدين في تعب الأعصاب ده».. سليفيا: «يارب ماتديناش على قد تعبنا ادينا عل

حالة من الخوف والقلق المصحوب بالسخرية، انتابت طلبة الثانوية العامة بسبب النتيجة، ذلك ما بدا واضحًا في هاشتاج "ثانوية عامة"، الذي جذب المئات من طلبة الثانوية العامة، الذين ينتظرون نتائجهم.

بعض الطلاب أبدوا تخوفهم من والديهم عند ظهور نتيجته، فيما طالب آخرون بالتعجيل بظهور النتيجة ليزول عنهم القلق.

وقال نور: "اللهم إنى أستودعك مستقبلى فاجعله أجمل مما أتمنى يارب ثانوية عامة.. بجد إيه التوتر ده الواحد أعصابه سايبة أنا عمرى ما حصل فيا كده قبل كده".

وأضافت لميس أيمن: "رقم جلوسك دلوقتى زيه زى شرفك ما يتفرطش فيه.. ثانوية عامة، النتيجة".

نزاع داخلي
وقالت سارة كامل: "نزاع داخلى بين أن ربنا هيكرمني ومش هيضيع تعبي، وأن أنا حظى وحش وهتظلم في التصحيح".

وأضاف شواف: "يا الله إنى أنتظر كرمك ورحمتك وتوفيقك لنا في هذه النتيجة وعِوَض صبرنا خير".

وتابع محمد سبع: "وبينما نحن على ذلك أذا ارتفع سواد مقبل كأنه روح ليلة مظلمة تغشي الطريق.. فتبينت؛ فإذا هي نتيجة الثانوية عامة".

وقال محمد ياسر: "بعد النتيجة لما تطلع والحج ينادى عليا.. تروح فين يا هوا يتجي منين يا هوا".

وأضاف نادر نظير: "هام الاسم: أشرف السن 18 سنة المهنة: طالب ثانوية عامة ابحث عن بير سلم أو سطوح فاضي لمدة أسبوع يفضل أن يكون مكان أمن بعيد جدًا بواي فاي".

وقالت بنت محمد على: "وأنا بكتب استمارة الرغبات - نخلي صيدلة دي تجارة ونخلي علوم دي تجارة بردو حلوة تجارة ولا نخليها معهد؟".

وأضافت سليفيا عيد: "يارب ماتديناش على قد تعبنا إدينا على قد رحمتك".

وقال ميدو إبراهيم: "يارب فرح قلب كل أب وأم ابنهم في ثانوية عامة علشان هما دول اللي تعبوا بجد".

وأضاف خالد: "سامع ركبك بتخبط مهزوز مرعوب متلخبط.. ثانوية عامة أنتم السابقون ونحن اللاحقون".

وتابع سيد عبده: "أرجع أقولها تاني يا بنتي ويا ابني انت وهو وهي شوفوا حد يكفلكوا من دلوقتي لأنك حتلاقي الجماعة في البيت بيلعبوا باليه معاك".

وقال محمد ترك: "ثانوية عامة ناس غريبة عايزين تنجحوا كدا من أول مرة دون محاولات دون فشل مستحيل ما ينفعش لا زم كام محاولة علشان الخبرة".

وأضافت ندى الحديدي: "النتيجة حتطلع بكرة وآخر رمضان والعيال مش حتسيب السجادة الليلة دى ثانوية عامة"، وتابع عمرو هتلر: "حال طلبة ثانوية عامة بعد ما يجيبو فوق الـ 95% هيعوموا في مية البطيخ".

تعب الأعصاب
وقالت ريم أسامة: "وبعدين في تعب الأعصاب ده شووية النتيجة الساعة 10ص و11و 12و 1و 3و 4 و5 وبعد كده بقت بعد الفطار وسبحان الله رجعت 10 تاني بس مساء.. ثانوية عامة".

وأضافت آلاء حسام: "ثانوية عامة ما يخالصونا بقى الواحد لا عارف ينام ولا يدعى ولا يهبب أي حاجة".

وتابع عبده رجب: "العندليـب قال الناجـح يرفـع إيده ماقلـش اللـى جـايـب مجـمـوع يبقى أحمد ربنـا أنك ناجح ثانوية عامة".

وقال محمد الحفني: "رقم الجلوس بتاعي وقع مني ومش عارفة ياحج.. الحج: متحورش... ثانوية عامة".

وأضافت كبرت: "ثانوية عامة ربنا يدي كل واحد على قد مجهوده، لا كده العيال كلها هتسقط بالدعوة دي".