«أنا وجدى» قصيدة للشاعر أشرف عتريس
لسه فاكر..
جدى كان يطلع نص الليل للخلا..
من غير سلاح ولا عصايه يهش بيها الكلاب
كأنه فارس ربايه ملوك
طبعه شركسى ما يلين زى الحديد
وانا قلبى كان راخر عيل مقروض اوى
يتشعلق بديل الجلابيه بتاعته قاصد خطوته
ينهرنى بنظرة عينيه
أترجف وارجع الحزن يرسّب جوه منّى
أقعد انتظر..
يركب جزمته ويطير يسبق الريح زى ما يكون عارف مصيره
( الرزق الحلال بالسعى والبركه تكفى ّ )
آخر النهار يرجع مهدود وعرقان..
يحمد ربنا بعد صلاه العشا..
ينادى عليّا ياخدنى في حضنه..
ويوم العيد يسحبنى من يدى عشان نصلّى
ولما نرجع تلقاه
يوزع ضحكته على الكل ويخصنى بالمناب الكبير
معرفش ليه..
