«عمـــكوا عيـــــد» قصيدة لمحمد كشيك

عمكوا عيــد، إنشاء الله
جاي سعيد،وبعون الله
تفضلي ياحبـــــاه
صوت:رمضان ودع
والعيد،، أبدع
بمب يطرقـع
أهلا بيك،،،،أهلا شــوال

أنا جاي لكم – جاي ياولاد
وبعوده عليكوا، الأعياد
جاي في ميعادي
بدون، تأخيـــر
ولافي حياتي،خلفت ميعاد
عمكوا عيد
جاي سعيد
وبعوده جميع الأعياد

جاي ومعايا،هدايا كتيـــر
والكيس مليان، بالزماميــر
عندي حصان
بجناح بيطـير
وحاجات كل دقيقة
تزيد
عمكوا عيد
جاي سعيد..

جايب ورده،في إصيص
طاله
وحاجات عندي
كتير ماشاء الله
عربيات من غير
مانفله
وعرايس في الليل بتقيد
عمكوا عيد
جاي سعيد

جايب قرد بزمبــلكات
يقزح يبقي
على الشجرات
جايب سيرك
وبهلوانات
وزرافه تحب،الزغاريد
عمكوا عيد
جاي سعيد

في المسجد يقرا القرآن
يتهجد ويقول:سبحان
يبقي مافيش في العيد
إخوان،،،
نلبس يلا جديد
في جديد
عمكوا عيــــد
جاي سعيد
وبيجري زي الرهــــوان.