صاحب مبادرة مساعدة الغارمين والغارمات: «فخور إني مصري»

وجه النقيب محمد جمال، صاحب مبادرة مساعدة الغارمين والغارمات من خلال الزكاة، الشكر إلى اللواء مجدى عبد الغفار، وزير الداخلية على موافقته على تلك المبادرة، وإلى الشعب المصرى وكل من ساهم في توصيل فكرته.

وكتب «جمال»، عبر صفحته الشخصية على موقع «فيس بوك»، اليوم الأربعاء: «بجد ومن قلبي واحنا صايمين وربنا الوحيد اللى يعلم إلى في النفوس يا رب إنك جعلتني سببا في فك كرب ناس كتير إن شاء الله.. ‫‏شكرا‬ لكل واحد من صحابي الرجالة والبنات اللى وقفوا جنبي وساعدوني».

وأضاف: «شكرا لأكتر واحدة ساعدتني في البوست ده إنه يوصل خطيبتي حبيبتي إلى وقفت في ظهري وساعدتني وكانت أول واحدة قالت أنا كمان هاتبرع معاك أول ما تاخد القرار.. اللي قالتي هاتبرع بخاتم الخطوبة يمكنانا ضحكت ساعتها.. وقالتلي لما نفك كرب الناس ربنا يفك كربنا وتجيبلي خاتم الفرح.. وشك حلو يا ست الكل.. مش عليا على ناس كتير أوي هتدعيلك ربنا يكرمنا ويخليكي ليا».

وتابع: «شكرا لكل ولد وبنت معرفهومش ساعدوا في إن البوست ده يوصل صوتي لمصر كلها.. شكرا لكل ضابط شرطة على مستوى الجمهورية كلها ساعدني وعايز يشارك في الخير ده.. شكرا لكل زملائى العاملين بجهاز الشرطة بجميع درجاتهم واختلاف مجاﻻتهم في مساعدتي في الخير».

وقال: «شكرا أهل بيتي اللى من غيركوا ما كنش الواحد وصل لكده في يوم من الأيام.. شكرا ‫‏وزارة الداخلية..‬ شكرا ‫‏لسيادة‬ ‫‏وزير‬‏الداخلية‬ على قبول والموافقة على تلك المبادرة».

واستطرد قائلًا: «وأخيرا‬.. شكرا من قلبي لكل مصري ومصرية ساعدوني.. وأيدوا فكرتي.. وساهموا في وصولها.. ودافعوا عنها.. أنا قريت تقريبا كل تعليق وبجد أنا فخور بأهل بلدي والله العظيم.. أنا فخور أني مصري.. مصر بلد الخير لأن أهلها أطيب الشعوب والغلابة في بلدنا هما دول الخير».

وواصل: «رمضان كريم.. وإن شاء الله هنقول عيد سعيد بدون غارمين في السجون.. مبروك لكل واحد شارك في البوست ده، مبروك بسببك ربنا هيكرم ناس كتير ربنا يجعله في ميزان حسناتنا يوم القيامة».

واختتم: «‫‏شير‬ في ‫‏الخير‬.. شير عشان أقول ‏شكرا أهل بلدي‬.. ‫‏زكاة الضباط للغارمين والغارمات‬.. ‏شكرا وزارة الداخلية‬ ‫‏الشرطة المصرية رجال‬.. ‏شكرا بلادى.. ‏تحيا مصر‬.. تحيا مصر.. تحيا مصر».

وكان اللواء مجدى عبد الغفار، وزير الداخلية، وافق على المبادرة التي أطلقها النقيب محمد جمال؛ لحث زملائه على توجيه زكاتهم؛ لمساعدة الغارمين والغارمات في سداد مديونياتهم والإفراج عنهم.

ووجه وزير الداخلية بقيام إدارة العلاقات الإنسانية بوزارة الداخلية، بالتنسيق بين قطاع مصلحة السجون ورجال الشرطة؛ لتنفيذ تلك المبادرة حتى يتسنى تفعيلها قبل عيد الفطر​.

وكان النقيب محمد جمال، دعا زملاءه الضباط، بمساعدة الغارمين والغارمات، من خلال الزكاة، ودعا لتدشين هاشتاج حمل عنوان «زكاة الضباط للغارمين والغارمات».