بالصور.. أطرف ردود البنات على سؤال «إيه الحاجة اللي تبسطك من شريك حياتك».. هيندا: يكون رومانسي زى مازن في «حالة عشق».. دنيا: نقعد على القهوة «ونطرقع حجرين».. بسمة: يطبخ و
طرحت صفحة "society probles" عبر موقع التواصل الاجتماعى، "فيس بوك " سؤال للفتيات تحت عنوان " إيه الحاجة اللي تحبي إن شريك حياتك يعملها عشان تتبسطي !"، وكانت بعض الردود منطقية مثل الاهتمام والتقدير والاحتواء، وجاءت بعض ردود الأفعال طريفة إلى حد ما.
حالة عشق
هيندا: "بص كده وصحصح معايا أول خطوه ينكد عليا، ويزعلني وبعدين ييجي الكليه بتاعتي، ويعرف ميعاد المحاضرة، ويدخل بقى يحطلي بلالين ع المدرجات، ويلم عيال الدفعه نحوه ويبعتلي صحباتي يدخلوني المدرج، وأنا معرفش حاجة، ويفاجئني بقى ويصالحني كده زي مازن لما صالح دعاء في "حالة عشق"، أنا من الفرحة ممكن أتشل وربنا، وشكلي هتشل على ماييجي اللي هيشلني".
أسماء: إنه يجي بقى مش أسلوب ده.
ندى: إنه مايجيش خالص، وأفضل سنجل على طول... يااااه يبقى كتر خيره .
بيبحب الأكل
يارا: يبقى أهبل ويحب الخروج بالليل ويصوت في الشارع، ويكون معاه موتوسكيل وعجلة ويكون بيصلي ويلعب دومينو وشطرنج وكوتشينة، ويحب المطبخ والأكل بس مهما ياكل يبقى رفيع بس، وإن افتكرت حاجة تاني هقولك.
منى: نسافر ونتجنن سوا .
دنيا: ننزل على القهوة كل يوم نطرقعلنا حجرين ونلعب طاولة على المشاريب .
رحمة: يفطر مع أهلي كل أول يوم رمضان.. هموت من الفرحة وقتها.
يغسل المواعين
روان: يوديني لأمي .
رحمة: يفطر مع أهلي كل أول يوم رمضان.. هموت من الفرحة وقتها.
يغسل المواعين
روان: يوديني لأمي .
بسمة: يعملي الأكل طبعا عشان مقعدش أفكر كل يوم، ويغسل المواعيين.
يجيبلي ورد وشيكولاتة.
ندى: يوديني الملاهي والسينما على طوووول ويفرحني ويجيبلي ورد وشيكولاتة، وآيس كريم ومارشميلووووووو، ويهزر معايا دايما بس يكون هزاره خفيف مش زي البوابين بس كده.
يجيبلي ورد وشيكولاتة.
ندى: يوديني الملاهي والسينما على طوووول ويفرحني ويجيبلي ورد وشيكولاتة، وآيس كريم ومارشميلووووووو، ويهزر معايا دايما بس يكون هزاره خفيف مش زي البوابين بس كده.
