بالصور.. العاصفة الترابية تثير سخرية النشطاء.. مريم: «غضب الصحراء الغربية على الفاطرين في رمضان».. «بيروفيك»: «صيام ده ولا تعذيب».. «محمد»: «مفيش بركان ينف

أثارت العاصفة الترابية، التي ضربت القاهرة والإسكندرية وعدد من محافظات مصر، ردود أفعال ساخرة لدى نشطاء التواصل الاجتماعي "تويتر" و"فيس بوك".

البعض سخر من أن هذه العاصفة سببها غضب الصحراء الغربية على الناس المفطرين في رمضان، فيما علق آخرون أن الصيام مع الحر والعاصفة الترابية تعذيب.

العاصفة الترابية
وقالت مريم: "العاصفة الترابية دي سببها غضب الصحراء الغربية على الناس اللي فاطرين رمضان.. عائشة الشاطر ستايل"، وأضافت نيرمين: "النت اتصلح وخط التليفون الأرضي باظ بسبب العاصفة الترابية والنت والتليفون ماتوا".

وتابع حساب "بيروفيك اللهو الخفي": "يعني حر وقولنا ماشي، ١٦ ساعة ونص صيام وعديناها، موجة حارة قولنا أهو ثواب، إنما كمان عاصفة ترابية.. صيام ده ولا تعذيب".

وقال محمد علي: "محدثكم محمد علي من وسط العاصفة الترابية على طريق مصر إسماعيلية الصحراوي ودرجة الحرارة تقترب من 48، مفيش بركان ينفجر بقى ونستريح".

وأضاف محمد منيرين: "وهو يوم باين من أولو من ساعة الحلم لحد دلوقتى.. واهو حتى الجو كلو تراب واصفر.. ثانوية عامة.. ديناميكا".

وتابع محمد أشرف: "في اللحظة: لما تخرج في الجو ده.. تشعر: تراب تراب حر شمس تراب تراب ايز ايفري وير.. حرام كده"، وقال شاهي توني: "الجو زفت وتراب... ويبقى السؤال أنزل التراك قبل الفطار ولا هيجيلي كرشه نفس".

وقال مطر: "أكثر سنة شوفت فيها تراب في حياتي، الجو ما بقاش مفهوم خالص في البلد دي"، وأضافت إسراء الحسين:" واليوم اللي قررت أخرج فيه من ساعة ما الإجازة بدأت الجو يقلب تراب وهوا".

وتابعت وسام دويني: "الجو بشع بره تراب وحر جامد"، وقالت دينا دويدار: "هو الجو عامل كدة ليه تراب وصهد وعاصفة جامدة دة أنا كنت نازلة رايحة الكوافير.. إحنا اتفقنا على حر بس متفقناش على عاصفة ترابية".

وأضاف أحمد عباس: "الجو قلب تراب.. وده بيخليني أقول قصيدة يا خرابي بتاعة كل موسم تراب واللي سألقيها في التويتة الجاية"، وتابع واجد الصحن:" ايه الجو ده.. يا شعب حر وتراب.. الاتنين؟"، وقال أحمد: "الجو سخن ومليان تراب يعني لو مش هتموت من الحر هتموت من الخنقة".

انقلاب سيارة
وقالت منى علي:" عاصفة ترابية على الطريق الصحراوي اتجاه إسكندرية.. عربية لسه مقلوبة على الصحراوي الكيلو ٦٠ للقاهرة ربنا ستر".

وأضاف عبد الرحمن شوقي: "في الصحراوي عاصفة ترابية شديدة.. لا حول ولا قوة إلا بالله في ‎مدينه النوبارية الجديدة"، وتابع ‎أنطون رأفت: "عاصفة ترابية تجتاح فيصل والهرم وميدان الجيزة غضب ربنا هههههههههههه".

وقال أحمد أمين: "يعني أصحى من النوم على أصوات خبط ورزع وتكسير.. وأبص في التابلت ألاقي تحذير من عاصفة ترابية.. وألاقي الكهربا قاطعة.. والماية قاطعة.. والجو حر وتراب وصايم.. ورسالة من اتصالات بتقولي لقد استهلكت 80 % من الباقة.. لا ده كتير بجد.. اللهم لا اعتراض على قضائك".