أسامة كمال: «الغش بقى شجاعة وبيع اللحمة الحرام بجاحة»
قال الإعلامي أسامة كمال، إن هناك «إرهاب وغش علنى للبيع وكل شئ بقى للبيع ومتوافر في الأسواق».
وأشار كمال، خلال برنامجه «القاهرة 360»، المذاع على شاشة «القاهرة والناس»، إلى أن «الغش في المدارس وعلى الإنترنت، بالإضافة إلى لحم حمير في المطاعم وفي الأسواق، وعصيان مدني لـ6 إبريل، وإرهاب وقنابل وسلاح في المناطق السياحية وفي الشوارع، والملخص إنه شعب طيب متدين بطبعه محب للخير لكن اتظلم فبقى بيعمل الحركات دي عيني عينك».
وتابع كمال: «الغش بقى شجاعة وبيع اللحمة الحرام بقى ببجاحة والشكل للبيع في الرايحة والجاية بيتعمل بمنتهى الراحة، والإرهاب تعامل مع دمنا بكل استباحة.. مين اللي بيعمل كل ده؟.. إحنا الارهابيين مننا حتى لو كانوا من بشرة تانية وبلهجة تانية واللي غشنا منا واللي بيغشش منا واللي بيقتل مننا واللي داير يقطع في لحمنا مننا بس إحنا ولا كأننا هنا».
