ثورة نشطاء «تويتر» على الإرهاب بهاشتاج «معبد الكرنك».. «المنواتي»: الإخوان خططوا للحادث بسبب زيارة رئيس البنك الدولي.. «دينا»: باعوا الضمير واشتروا الدمار.. و&#

دشن نشطاء "تويتر" هاشتاج "معبد الكرنك" للتعبير عن سخطهم من محاولة تفجير المعبد، متهمين الإخوان بمواصلة أعمالهم الإرهابية للقضاء على السياحة، كما حدث في التسعينات، ومحاولة ضرب اقتصاد مصر تزامنا مع زيارة رئيس البنك الدولى.

سياحة دون جمهور

وقال أحمد دياب "كدا بقى مفيش حل غير أن وزارة الداخلية تخلي السياحة دون جمهور عشان تعرف تأمنها صح".

وأضاف كريم: "المشكلة بقى إن اللى ماتوا أصحاب العملية على جهنم وبئس المصير" وعلق صلاح جلال: "حصل إيه في ساحة معبد الكرنك، 3 إرهابيين معاهم أسلحة رشاشة واقفين بره المعبد واحد منهم لابس حزام ناسف..لقوا أتوبيس سياحة (فاضى) داخل الباركنج بتاع المعبد فتحوا عليه النار وتعاملت الشرطة معاهم وقتلت اتنين والثالث مصاب وأصيب شرطى واحد والعاملون في البازارات.. الموضوع أخد 4 دقائق والسياحة منتظمة الآن في معبد الكرنك".

وأضاف دروماس: "إرهاب الإخوان النهارده أقذر من إرهاب التسعينات، لأنهم بيقولوا "شغل مخابرات" أو تقاعس -الإخوان فاكرين إنهم هيعرفوا يصعدوا التفجيرات ويوصلوها للأماكن السياحية زي معبد الكرنك والناس تبطل تيجي عشان اقتصادنا يوقع والبلد تنهار".

حادثة مخطط لها
وقال أحمد المنواتي: "النهاردة في زيارة لرئيس البنك الدولى لـ الأقصر- طبعًا الإخوان عارفين هما بيعملوا إيه وحادثة معبد الكرنك مخطط لها كويس".

الشرطة المصرية "رجالة"

وقالت سارة عماد: "الشرطة اللي أحبطت تفجير معبد الكرنك والإرهابيين اتصفوا ومفيش سائحين ولا مواطنين حصلهم حاجة.. الشرطة المصرية رجالة بجد.. تحيا مصر".

وأضاف أحمد: "مصر أقوى من الإرهاب" وعلقت مونيكا حنا: "أنا بطمن الناس عن معبد الكرنك، الضرب كان في الساحة الخارجية ولم تتأثر الآثار بفعل التفجير" وقال كريم على: " هي السياحة ناقصة ما هي خربانة لوحدها من غير حاجة".

وقالت جاسمين إيهاب "هي وصلت أن الإرهاب يوصل لحضارة بلدنا طب دي الآثار الحاجة الوحيدة اللى باقية- حرام بجد حسبنا الله ونعم الوكيل".

وعلقت دينا خالد "مين اللى بيبيع الضمير.. وبيشترى بيه الدمار؟!!" وعلق جاسر "معبد الكرنك.. الشرطة المصرية رجال.. إجراءات أمنية مشددة بمحيط الفنادق والقرى السياحية بالبحر الأحمر".