«الحرارة اليوم» هاشتاج يسخر من شدة الحر.. شاكر: قلبت على بركان.. سمسمة: حد يقول للعندليب يسيب الهوا اللي ماسكه.. لولا: ظاهرة كونية تتعامد فيها الشمس على قفا المصريين.. زهرة: مفيش مسلم هيعصى

 
حمادة: "حرارة اليوم ستخفض منسوب النيل من كثرة الاستحمام".
زهرة زياد: "ما افتكرش إن فيه مسلم عاقل هيفكر يعصى ربنا بعد النهاردة اللهم قنا حر نار جهنم الحرارة اليوم".
أمجد أشرف: "الحرارة اليوم محدش يملا تانك البنزين على الآخر في عربيتين ولعوا في مصر الجديدة بسبب الحرارة".
عمر الهواري: "واحدة كاتبة إن الناس بتأفور في موضوع الحر وإنها مش حاسة بالحر رغم إنها قاعدة في البيت في التكييف وساكنة في إسكندرية ع البحر سبحان الله الحرارة اليوم".
شاكر أبو لبدة: "الحرارة اليوم مصر قلبت على بركان ليه كده".
عمرو نبيل: "الحرارة اليوم لأ بقى دي إشاعات أنا شايف دلوقتي الناس في المترو بيحضنو بعض عشان يتدفو إنتو بتقولو إيه يا جماعة؟"
سمسمة مصرية: "جو ميوصفهوش كلام حد يقول للمرحوم عبد الحليم يسيب الهوا اللي ماسكه فإيده هنمووووووت حر الحرارة اليوم".
محمود ربيع: "بنسيح الحرارة اليوم".
مودي تريكة: "أمال إحنا بتوع ثانوية عامة نعمل إيه في الامتحانات اللي جاية دى، كفاية إن شهر 6 (الجو نـار) وكمان صيام وتقوللى الحرارة اليوم".
عمرو عماد: "الحرارة اليوم هو ده اللى الجو عندنا ربيع طول السنة يا عماد".
مهندس إبراهيم: "الحرارة اليوم اللى عنده لوح تلج أحسن من اللى عنده رصيد في البنك".
أسامة إسماعيل: "44 هانت كلها 6 درجات ونولع الحرارة اليوم".
محمد بدر: "تنين مجنح بيقذف لهب على مصر الحرارة اليوم".
إسراء: "الحرارة اليوم أحب أقول للشتا سبت فراغ كبيييير".
بيتر سمعان: "قم للتكييف وفه التبجيلا.. لولا التكييف لكنت قتيلا الحرارة اليوم.. بيقولك احتمال تمطر مية نار".
أحمد فيصل: "سيبنا كل حاجة في الخليج وخدنا منهم الحر.. الحرارة اليوم".
لولا: "الحرارة اليوم ظاهرة كونية تحدث اليوم حيث تتعامد الشمس على قفا المصريين!!"
كيمو هاني: "الحرارة اليوم أكبر من درجات أعمال السنة بتاعتي".
بيبو الأهلاوي: "هل تعلم أن درجة الحرارة النهاردة أكتر من عدد بطولات نادي الزمالك؟ الحرارة اليوم".
ميشيل مايكل: "من الآخر الشتاء حتى لو تلج هلبس كل اللي في الدولاب، لكن الجو ده هعمله إيه؟ حتى لو قلعت ملط هموت برضه".
محمود فنديتا: "قولوا لعين الشمس ما تحماشي ده الواحد استحمى مرتين وكإنه مستحماشي".