بالفيديو.. «أسواق الخضار» خاوية على عروشها.. «البائعون»: «الأسعار نزلت والإقبال ضعيف».. «حسن»: «الناس مشغولة بالامتحانات».. « مفيش فلوس وربنا يكو

أصبحت الأسواق خاوية علي عروشها، نتيجة لموجة الغلاء التي تشهدها أسعار الخضار في الفترة الحالية، بالإضافة إلي تضارب الأسعار من منطقة لأخرى ومن سلعة لأخرى حسب الإقبال وكمية السلعة داخل السوق المصرية.


رصدت عدسة "فيتو" الأسعار وحركة البيع والشراء داخل الأسواق.

"الأسعار مولعة"
قال الحاج إبراهيم أحد البائعين: «الحاجة كلها رافعة، والأسعار مولعة نار، والإقبال زي ما أنت شايف السوق فاضي خالص، ومفيش حد بيشتري قفص الطماطم بـ 65 جنيها، بس كويس كانت بـ 100جنيه، ورغم أن الكيلو نزل بس مفيش إقبال والحركة ضعيفة».

الامتحانات
وأضاف حسن، أحد البائعين: «الأسعار كويسة خالص، بس الإقبال والحركة ضعيفة جدا، بس الوضع ده مش علي السوق فقط، ده علي التجارة كلها في السوبر ماركت وعند الجزار، وربنا يكون في عون المواطن».

وتابع: «كتر خير المواطن بيدفع فلوس للدورس الخصوصية، وإحنا داخلين علي موسم الامتحانات، والناس كلها حالها علي قدها، ومش معاهم فلوس، واللي معاه بيروح يجيب شكارة رز عشان رمضان مؤكدا أن موجة الأسعار ستشهد انخفاضا كبيرا خلال شهر رمضان المبارك، عشان المنتج من المحاصيل السنة دي كتير، لافتا إلي أن المنتج كلما كثر داخل السوق، قل سعره والعكس صحيح».

تقلبات الطقس
وقال أحد البائعين: «إن الجو كلما كان دافئا الأسعار هتنزل وترجع زي الأول، مشيرا إلي أن أسعار الباذنجان والجزر والفاصوليا نزلت للأسعار العادية الباذنجان ب2 جنيه والجزر بـ 3 جنيهات والفاصوليا بـ 4 جنيهات».


وأضاف: «البامية والبسلة، أسعارها رفعت عشان إحنا في موسم الصيف، وكيلو البامية وصل لـ10 جنيهات، والأسعار الأخرى شبه ثابتة كيلو الطماطم بـ 5 جنيهات، والملوخية 4 جنيهات والسبانخ بـ 5 جنيهات، والبامية كانت بـ 25 جنيها، وتراجع سعرها إلي 10 جنيهات، والبطاطس بـ 3 جنيهات والخيار بـ 4 جنيهات، والفلفل بـ 5 جنيهات».