بالفيديو.. في اليوم العالمي لضغط الدم «فيتو» ترصد أغرب ردود الشباب على سؤال «مين أكتر واحد بيحرق دمك».. محمد: الضابط بتاعي.. سمية: أنا باردة.. إسراء: أمي بتعصبني.. مني: مفيش غير أص
يطلق على ارتفاع ضغط الدم القاتل الصامت، لأنه ليس له أعراض واضحة، وقد يتسبب في موت الشخص في أي لحظة وحددت منظمة الصحة العالمية 17 مايو من كل عام ليكون اليوم العالمي لضغط الدم، بهدف تسليط الضوء على خطورته والتوعية به، حيث أن الوقاية منه سبب رئيسي لتفادي كثير من المخاطر الصحية المرتبطة به، والتي من أهمها السكتة الدماغية وأمراض القلب والكلى.
"فيتو" وجهت سؤالا للشباب في هذه المناسبة عن مين أكتر حد رفع ضغط الدم عندك ؟.
"الضابط بتاعي"
قال محمد ساخرا: «أكتر واحد حرقت دمه "الضابط بتاعي" عشان لسه مخلص جيش، وهو نفس الشخص اللي حرق دمي، وده يعتبر رد فعل وكل ده بسبب أني دكتور وهو دكتور بس كان الضابط المسئول، وكان رافض يعاملني كدكتور عشان كان عايز يتعامل معايا ميري، وكان بيفضل الفكرة دي، وعشان كدا كنت بحرق دمه».
خليك ريلاكس
في حين قالت حنان: «أنا مفيش حد يقدر يرفع ضغط الدم عندي، أنا ريلاكس خالص».
أصحابي
وتابعت مني: «أصحابي هم أكتر ناس بيرفعوا الضغط عندي، وأنا برضوا بجيب لنفسي الضغط، وأكتر حد برفع الضغط عنده ماما، بوصلها لمرحلة ممكن تتطلعني فيها بره الشقة».
صاحبتي
وأجابت ياسمين ضاحكة: «هاجر صاحبتي اللي واقفة جنبي، وأنا برضو بعلي عندها الضغط».
أنا باردة جدا
في حين قالت سمية: «أنا مش بجيب ضغط لحد خالص، أنا باردة جدا».
أمي بتعصبني
وأشارت إسراء أن أكتر حد بيرفع الضغط عندها أختها قائلة: «مي أختي أكتر حد بيحرق دمي، وأمي أكتر حد بيعصبني».
