"متغيرناش" شعر لـ"محمد عبد الله"

متغيرناش.. دم الشهيد أهو راح بلاش
متغيرناش.. لا متغيرناش
الأساوة هي هي ولسه مفيش إحساس
ضي أملنا بعيد وخلاص غاب الإخلاص
والحب مات جوانا وبعدت الأخلاق مبقاش
متغيرناش.. لا متغيرناش
الثورة ثارت وقامت وقالت التغيير.. قلنا حنتغير
بس قلوبنا الأسية مش عايزة تتغير
كان حلمنا نبنى بأيدينا مصرنا
والحلم راح راح ومجاش
متغيرناش.. لا متغيرناش
لسه الليالى ضلمة من غير القمر
والأراضى لسه عطشانة مستنية المطر
والعيون الباكية لسه في حزنها
والحياة لسه ضانيها السهر
كل دول لسه في عذابهم
حتى الفرح ما دق بابهم
ده العذاب عايش معانا مبيسبناش
متغيرناش.. لا متغيرناش
عايزين نغير نفسنا
نمحى بأيدينا يأسنا
نقول لدنيا الحب هاتى حبنا
ونقول لدنيا الكره ابعدى عننا
دم الشهيد مش راح يروح منا هدر
لازم يحس في تربته أنه انتصر
ودمه ما رحش ببلاش
متغيرناش.. لا متغيرناش