بالفيديو.. تصريح وزير الرياضة يثير سخرية الشباب.. جمال: «ده عايش معانا على كوكب الأرض وشايف اللى احنا شايفينه».. محمد: «هو فعلا فيه شغل بس من غير مرتبات».. شهير: التصريح ده اليومين

أثار تصريح المهندس خالد عبد العزيز وزير الشباب والرياضة في مؤتمر "العمل نظرة أمل"، سخرية الشباب، بعد تأكيده أن مصر تعاني مشكلة كبيرة تتمثل في البيانات غير الحقيقية التي تشير إلى أن نسبة البطالة تتعدى الـ13 %، مشيرا إلى وجود وظائف «كثيرة مش لاقية شباب يشتغل فيها، وكل الوزارات ومعظم رجال الأعمال مش عارفين يحلّوا هذه المشكلة».

"فيتو" رصدت ردود الشباب حول تصريح وزير الشباب والرياضة، بعدم وجود بطالة بالدولة.

كوكب الأرض
قال جمال عبد العزيز ساخرا: «ده وزير في الحكومة بتاعتنا هنا!، وعايش معانا في كوكب الأرض يعنى، وشايف اللى احنا شايفينه».

إحنا بنصرف على الشغل
وأضاف محمد خالد قائلا: «هو فيه شغل في البلد، بس من غير مرتب، هو ده اللى موجود يعنى، إحنا بنصرف على الشغل مش الشغل اللى بيصرف علينا».

100 سنة
وقال أحمد خيري:«ممكن يكون في شغل بس اللى يدور بقى، وأكيد مش بمؤهلى"، وتساءل شهير محمود التصريح اللى قاله الوزير "ده اليومين دول ولا من 100 سنة ورا"؟».