نشطاء يدشنون هاشتاج «اقتراحات لاستاد القاهرة» بعد تأجيل لعب المباريات فيه.. نجلاء: «نعمله مطعم كشري».. محمد: «نحوله لمحمية طبيعية».. أندرو: ساحة للمظاهرات.. عماد: «ن
بعد تأجيل لعب مباريات كرة القدم على استاد القاهرة، ورفض طلب الأهلي من الداخلية بخوض لقاء العودة على أرض استاد القاهرة، ورغم موافقة هيئة الاستاد، دشن النشطاء هاشتاج بعنوان "اقتراحات لاستاد القاهرة"، يقترحون فيه تحويل الاستاد إلى قاعة أفراح أو بلاي استيشن كبير للعب الـ«فيفا»، أو قيام المسئولين بتحويله لمساكن لتزويج الشباب.
الهاشتاج تحول إلى تراند على تويتر وجذب عدد كبير من النشطاء.
وقالت حبيبة عمرو: "اقتراحات لاستاد القاهرة نعمله سنيما سراير دي.. نعمل الاستاد festival ونجيب لعيبه كل نوادي بره وناودي مصر"، وأضاف حساب "كيلو بطرا": "اقتراحات لاستاد القاهرة قاعة أفراح مثلا".
وتابع حساب "MUSSO LENE ": "إحنا هنفكر تفكير حكومي المرة دي.. نبيعه لمستثمر خليجي يعمل عليه فندق.. يا إما الحكومة تعمل مشروعها المعتاد جراج.. اقتراحات لاستاد القاهرة".
وقال "ماندو 1911": "اقتراحات لاستاد القاهرة يتلعب في متشات بحضور الجماهير.. أنا عارف إنه اقتراح غريب شوية بس معلش استحملونا"، وأضاف عمر عاطف: "مش قادرين تسيبوا حاجة من اللي عملها جمال عبد الناصر؟".
وتابع عبد العزيز: "نحط شاشة كبيرة ونلعب عليها فيفا.. بقي الاستاد الرسمي لريـال مدريد وكل الماتشات تتلعب فيه"، وقال أندرو بيتر: "نخليه ساحة خاصة للمظاهرات والثورات"، وتابع كي: "يعملوا فيه الأفراح كل عروسة وعريس ليهم مدرج كامل بحبايبهم".
وقالت نجلاء فوزي: "ممكن حاجة حلو قوى كمان نخلى الناس تشجع كورة ودى فكرة محصلتش قبل كده في مصر.. إحنا نعمله مطعم كشرى وفي الافتتاح نعزم لعيبة الأهلي كلهم وحازم إمام عشان أنا بحبو ومش هنعزم ميدو ولا شوبير".
وأضافت نها محمد: "ثبتوا العواميد في الأرض كويس بدل ما يبقي زي استاد الجامعة في المنصورة وييجي بالأرف علينا وع ناس ملهاش ذنب!!".
محمية طبيعية
وقال محمد عزت: "نحوله محمية طبيعية للكائنات التي أوشكت على الانقراض"، وأضافت ريم طارق: "يكون مكان للناس اللي لما تزهق من البيت تروح الاستاد وتاخد كتابها وأكلها وموبايلها وتقعد لوحدها.. نعمل حفلات ونبني بيسين وأكوا بارك ويسموه استاد المرح".
وقال كريم ياقوت: "يبقى سينما سيارات"، وأضاف عبد الرحمن: "يتقفل كباين صغيرة ويتأجر بالساعة للشباب اللي مش لاقيين مكان يفرشوا فيه".
وتابعت الوهيدي: "يشتروا جهاز bein sport ونتفرج هناك.. نحوله إسكان للشباب"، وقال حساب "سبرتا أحمد": "ممكن نهد الاستاد ونعمل جراج كبير والساعة بـ 5 ج والحسابة بتحسب"، وأضاف "mo_tetcho": "نقلبه أوبرا أو نفتح فيه فرع لمكتبة إسكندرية في القاهرة".
وقال كابتن ماجد: "نعمل فيه دوري أمريكان فووتبووول"، وأضاف عماد أسامة: "إحنا نقلبه مزرعة وأهو الشمس بتضرب في النجيلة فلازم نستفيد برضه ونزرع اللي يقدرنا عليه ربونا"، وتابعت تينا فيروز: "مزار سياحي نعرض فيه إنجازات الكورة في مصر زمان بقي أيام كابتن حسن شحاتة مع المنتخب ومانويل جوزيه مع الأهلي".
مجمع سكني
وأضاف محمد حامد: "ممكن نقلبه مجمع سكني نجوز الشباب الغلبان فيه"، وتابع توني ميلد: "يطلعوا بدورين ويعملوا فسقيه في دايرة السنتر ويقفلوا الجولين ويعملوها محال ومنطقة التمنتاشر يقلبوها هايبر".
