المصريون يحتلون هاشتاج دولة «ليبرلاند».. محمد: لو فتحت عصير قصب هكسب دهب.. حمزة: حضارة سبع آلاف ثانية.. كمننا: لسه بقول هييييه قالوا مش عايزين مصريين.. آلاء: واحد جايب شارع وعايز يعمل رئيس

واحتل النشطاء المصريون هاشتاج "ليبرلاند"، ونشروا عددا كبيرا من التعليقات الساخرة، مؤكدين رغبتهم في فتح محال عصير قصب وكشري في البلد الجديد.

محمد: "ليبرلاند لو فتحت عصير قصب هانكسب دهب:.
عزت: "سوف أذهب إلى هناك وأبيع كشري".
محمد السيد: "أول 4 وصلوا ليبرلاند.. خشوا ع الكنبة اللى ورا عشان تفضوا مكان لغيركم!!"
حمزة عيد: "ليبرلاند.. حضارة سبع آلاف ثانية.. والشعب الليبرلاندى شعب متدين بطبعه وليبرلاند أم الدنيا وهتبقي قااااااااد الدنيا.. وليبرلاند هبة الدانوب".
كمننا: "سمعت إنهم أسسوا دوله جديدة اسمها ليبرلاند وأعلنوا عن حاجتهم بمواطنين.. لسه بقول هييييه قالوا مش عايزين مصريين".
معاذ محمد: "أنا مواطن ليبرلاندى وباسبورى ده حامينى".
سمسمة: "مبيقبلوش عرب آه يانا ياما عشمني وخلي بيا ليبرﻻند— feeling sad".
آلاء رشدي: "ليبرلاند بيقولوا إن مساحتها ٧ كيلو بس ع قولت ماما ده واحد جايب شارع وعايز يعمل رئيس علينا".
محمد جمال: "بيقولك معظم اللى قدموا لدولة ليبرلاند من المنوفية!! كده أنا عرفت هما رفضوا المصريين ليه".
دكتور ساموفيتش: "ليبرلاند جايلك يا طاهرة".
عمرو خالد 74: "دولة جديدة فتحت في أوربا ومحتاجين شعب وتقريبا كده مصر كلها سجلت ومهاجرة ليبرلاند وأكيد الموقف ده هيتحقق".
إبراهيم خليل: "أنا رايح ليبرلاند حد جاي؟"
تليسكوب: "غزوة ليبرلاند ليبرلاند عربية سنرسل لكم جيش أوله في صفط وآخره في بشتيل".
أحمد سمير: "يااااااه دولة جديدة لبناء أمجاد وبناء حياة جديدة بدون انحرافات بدون انقلابات أموت أنا:) ليبرلاند".
محمد جمال: "أدخل على الجروب الرسمى بتاع ليبرلاندر ألاقى المصريين احتلوه!!"
"الواحد حاسس إنه دخل قهوة شعبى بالغلط مش جروب لجمهورية ليبرلاند!!"
علاء نصر: "7 كيلومتر لازم ماتقبلش عرب ده صلاح لو فتح اسبرنت هناك هيلف شوارعها في 30 ثانية ليبرلاند".
عمر فيب: "يا جماعة إيه حكاية ليبرلاند الناس هتهاجر ليها؟ خدونى معاكم".