هاشتاج «الجنسية المصرية شرف» يتصدر «تويتر».. مروة: «هات لحم كتافك اللي ربيتوا من خيرها».. تامر: «اللي عايز يتنازل يتفضل يعيش في ليبيا أو سوريا أو اليمن».. و
دشن نشطاء موقع التواصل الاجتماعى «تويتر»، اليوم الثلاثاء، هاشتاج «الجنسية المصرية شرف»، تصدر أكثر الموضوعات تداولًا عبر الموقع، وتفاعل معه الكثير من المصريين.
وجاء الهاشتاج ردًا على نشطاء دشنوا هاشتاج يحمل عنوان «تنازل عن الجنسية المصرية»، وأرجعوا ذلك إلى عدة أسباب، منها «مفيش بارقة أمل»، و«أنا يائس من التغيير»، ومن جانبها رصدت «فيتو» أبز التعليقات.
تامر: «خلاص اللي عايز يتنازل عن الجنسية يتفضل يعيش في ليبيا أو سوريا أو اليمن».
ياسمين: «طبعا شرف وفخورة إني مصرية واللي يقول غير كده بالسلامة ونعتبره.. وراح».
أيووية: «إنت مش حاسس بالنعمة اللي انت عايش فيها غير لما تسافر وتذوق مرارة الغربة اللي بتدفع ثمنها من عمرك وصحتك».
محمود كريم: «بلادى في الأزمات تضع ساقا على ساق في وجه الأمريكان تحيا مصر».
سلطان: «إخواننا الأشقاء في مصر معروفة مكانتها المشرّفة العالية في كل الأديان وعند كل الرسل والأنبياء وإنت تعرف أن الجنسية المصرية شرف».
رحمة سعيد: «لو لم أكن مصريا لوددت أن أكون مصريا. واللى مش عاجبه يسيبها ويروح قطر أو تركيا بس إحنا حنموت فيها».
وفاء ناصر: «مصر التي في خاطرى وفى فمى أحبها من كل روحى ودمى يا ليت كل مؤمن بعزها يحبها حبى لها، دون أدنى شك».
دينا على: «مِصْرُ كِنَانَةُ اللَّهِ فِي أَرْضِهِ، مَا طَلَبَهَا عَدُوٌّ إِلا أَهْلَكَهُ اللَّهُ.. الجنسية المصرية شرف».
عمرو: «بغض النظر عن الجهل والقرف والمرمطه وقلة القيمة فعلًا الجنسية المصرية شرف».
أيمن: «الجنسية المصرية تمنها غالي.. بيدافع عنها رجال».
محمد موسى: «مصرى وهفضل اعشق تراب البلد مهما كانت الظروف ومهما واجهت من صعاب تحيا مصر».
ابن الناظر: «طبعا شرف ومليون شرف».
عمرو سلامة: «الجنسية المصرية شرف لكل مصري حر يرفض الظلم ويأبي القهر ويقاوم الفساد وينصر المظلوم ويقف ضد الظالمين».
بوسبوس: «لو لا تُشرفك الجنسية المصرية ما تكتبش في تويتر إنك هتتنازل عنها خليك قد كلامك وسيب الكمبيوتر وروح تنازل عنها تنازلك عن الجنسية.. ده شرف لمصر».
محمد محمود: «أم الدنيا لا يحمل جنسيتها إلا الرجال، أما الخونة لا يستحقونها الآن».
محمود عبد العزيز: «لو مش عاجباك الجنسية المصرية توكل على الله وغر بلا رجعة؛ لآن أمثالك عبء نفسى وطاقة سلبية ونكد».
وفاء: «كفاية إنك تقول 6 أكتوبر قدام أي إسرائيلي وإنت فارد ظهرك».
ميشو المصرى: «ما فيه شك الله يحفظ مصر شعبًا وبلدًا.. الجنسية المصرية شرف».
محمود بيومى: «الجنسية المصرية شرف لا يستحقه الخونة».
مروة فايز: «قبل ما تتنازل عن الجنسية المصرية هات لحم كتافك اللى ربيتوا من خيرها يا واد منك ليه».
سما: «كل الشرف وكل الفخر أن أكون ابنتك يا مصر عشت فيك وأموت عليك يا أم الدنيا يا مصر».
أسامة مرعى: «لو لم اكن مصريا لوددت أن أكون مصريا».
إنجى: «أنا مصرية وليا الشرف وفخورة ببلدى وجيش بلدى ورجالة بلدى الجدعان».
حنان: «بلد شهد العالم بحضارته وبسالة جنوده حقيقي.. مصرية وليا الشرف.. الجنسية المصرية شرف».
بنى: «أما يبقى عيال مسقطة البنطلون وبتاخد مصروف لسه وتعمل هاشتاج تنازل عن الجنسية ورجالتنا بتحارب في سينا وتموت يبقى..».
منى: «الجنسية المصرية شرف لا يستحقه عبيد المرشد ونشطاء السبوبة».
