بالفيديو.. هجوم ناري من تامر أمين على «أردوغان ومرسي»
هاجم الإعلامي تامر أمين، الرئيس التركي رجب طيب أردوغان، بعد اشتراطه الإفراج عن المعزول محمد مرسي، مقابل المصالحة مع مصر، قائلًا: «أردوغان ده عامل زي الست.. عامل زي الست الغضبانة من جوزها وعايزة ترجع، بس بتفرض شروطها علشان كرامتها».
وأضاف «أمين»، خلال تقديمه برنامج «من الآخر»، عبر فضائية «روتانا مصرية»: «أردوغان كمان عايز مصر تفرج عن كل قيادات الإخوان اللي صادر بحقها أحكام إعدام، بس هو عنده حق، ماهو بيعمل كده في بلده، بيعزل قضاة ويجيب قضاة، كأنه الحاكم بأمر الله».
وتابع الإعلامي: «مرسي مش معتقل سياسيًا.. ده عليه اتهامات بالتخابر ضد الوطن ولازم يمتثل للقضاء.. أردوغان هو الحاكم بأمره في بلاده وعاوز يبقى فوق القانون والدستور، ومرسي كان عاوز يبقى زي أردوغان كدا وعاوز يبقى إله فوق الدستور والقانون لكن المصريين رفضوا ذلك تمامًا».
