نشطاء "فيس بوك" ينتفضون لـ"آل ساويرس": قطر قفلت الحنفية عن الإرشاد فقرر سد العجز بابتزاز أسرة ساويرس.."بيشو": مشكلة الإخوان مع نجيب أنه مسيحى.. خيرى: مالك والشاطر "حبوا يقلبوه فى قرشين"
أثار قرار النائب العام، المستشار طلعت عبدالله بوضع آل ساويرس، على قوائم الممنوعين من السفر، وترقب الوصول، حالة من الجدل والغضب بين نشطاء موقع التواصل الاجتماعى "فيس بوك"، حيث أجمع النشطاء على أن ما حدث مع آل ساويرس هو محاولة "إخوانية" لابتزاز عائلة "ساويرس"، لسد عجز الموازنة المصرية، فى حين رأى البعض الآخر أن مشكلة الإخوان مع نجيب ساويرس أنه "مسيحى"، مشيرين إلى أنه "لا يوجد شىء فى قانون الضرائب يسمى بالأثر الرجعى" .
وقالت صفحة "كارلوس لاتوف": "الخلاصة فى قضية ساويروس مع الإخوان إن قطر قفلت الحنفية عن مكتب الإرشاد، فقرر مكتب الإرشاد سد عجز الموازنة المصرية عن طريق ابتزاز أسرة ساويروس فى 14 مليار جنيه، عن صفقة حصلت من 2007 بقانون تم إصداره فى 2012 ولا يجوز تطبيق قانون بأثر رجعى، بالتالى هى محاولة إخوانية لابتزاز أسرة ساويرس لسد عجز الموازنة، وأنا بناشد من موقعى هذا الشيخة موزة تقول للبغل القطرى حمد يفتح الحنفية على الإخوان لأن ساويرس مش هيدفع".
وعلق عليه "إيكسلانس بيشو" قائلاً: "مشكلة الإخوان مع نجيب ساويرس هى أنه مسيحى.. ده السبب وبلاش نضحك على نفسنا.. المفروض إن احنا كلنا مصريين.. بس هم بيصنفوا الناس طبقاً للدين من وجهة نظرهم.. إخوانجى بعدها سلفى بعدها مسلم عادى بعدها مسيحى وهكذا" .
وأضاف "محمد خيرى": "ملخص ما يحدث الآن بين الإخوان وعائلة ساويرس باختصار للمواطن اللى مش فاهم سياسة واقتصاد: مرسى وعصابته حسن مالك وخيرت الشاطر حبوا يعملوا فيها صيع وبلطجية ويشوفوا ضحية يقلبوها فى قرشين تسد عجز الموازنة، عشان الناس متطلعش تقطعهم حتت.. قعدوا يفكروا بدماغ شيطان.. نقلب مين.. ننصب على مين.. نشتغل مين.. مين مين؟؟؟ بسسس هو مفيش غيره !!! أقوى رجل أعمال فى مصر بل وفى العالم العربى بأسره وشريك أغنى رجل بالعالم بيل جيتس ( أنسى ساويرس وأبناؤه ).
وقال خيرى: "قالك إيه بقى؟؟؟ إحنا نطبق عليه ضرايب على صفقة بيع شركة أوراسكوم لشركة فرنسية، وهنعمل ضرايب بأثر رجعى ع السنين اللى فاتت ونقدرها بـ36 مليار جنيه!!!، طبعًا لأن الإخوانجية الحبسجية مأخدوش ابتدائية وقضوا عمرهم يمسحوا التواليت فى الزنزانة فميعرفوش إن أى شركة مساهمة فى البورصة معفية من الضرايب بأمر القانون، ولا يوجد شىء فى قانون الضرائب مسمى بالأثر الرجعى!!! ومش بس كده ده وصلت بيهم السفالة والبلطجة إنهم أصدروا قرارًا من النائب الملاكى بتاعهم بمنع ساويرس من السفر زى المجرمين!!! رغم أن التحقيقات لسه شغالة ولم يصدر حكم عشان يمنعوه من السفر!!!" .
واستطرد: "قام عمك ساويرس بقى لأنه رجل أعمال عالمى ودارس اقتصاد وواخد جوايز من فرنسا فى التنمية والاقتصاد.. قالهم بقى كده؟؟ طيب، وأصدر بيانًا بسحب جميع استثمارات عائلته من مصر وإغلاق جميع المشاريع وبيع جميع الأسهم بالبورصة!!! يعنى ضربة قاضية للاقتصاد المصرى اللى أصلاً متنيل بنيلة!! طبعًا الإخوان سمعوا كده وجالهم تبول لا إرادى، وكالعادة لما بياخدوا على دماغهم بيعملوا فيها قطة سيامى ويصرخوا زى النسوان.. وراحوا يتحايلوا على ساويرس للتفاوض والتسوية زى ماعملوا مع رجال أعمال النظام السابق".
وتابع: "طبعًا المعلم ساويرس رفض التصالح ومسكهم من إيديهم اللى بتوجعهم واستمر فى تهديده بسحب الأرصدة وبالتالى حصل انهيار حاد فى البورصة بعد صدور أمر بمنعه من السفر!!!... وكأنه بيقول للإخوان اعرفوا حجمكم يا حشرات ومتلعبوش مع الأسد أحسن تتعوروا" .
وقالت "رحاب خليفة ": "الله يخربيت الإخوان، صحيح شر البلية ما يضحك"، وأضاف "إيهاب":" يا عم لو الإخوان فضلوا على الحال ده كتير مستمرين فى الغباء السياسى مش ساويرس بس اللى هايمشى ده كل رجال الأعمال هايمشوا وبعد كده هانقعد نعيط" .
وأضاف "هشام محمود": "طبيعى تسحب قطر الأيام القادمة ودائعها لأن العملاء من كثرة الرقابة عليهم لم يستطيعوا بيع شرق التفريعة أو الأهرام أو أى شىء فى البلد بيجيب فلوس"، وكتب محمد إبراهيم: "غصب عن أى نطع .. ساويرس وعيلته عملوا عشان مصر وأهلها مسيحيين ومسلمين اللى مفيش أى نجس نصاب من تجار الدين عمله ولا حتى عمل نصه.. وخلاصة موضوع الأنجاس مع ساويرس وعيلته.. إن ده جزء من مرحلة التمكين.. كل رجال الاقتصاد المصرى اللى اشتغلوا أيام العصر الماضى سواء كويسين ولا وحشين لازم يتزاحوا تمامًا ويتم استبدالهم برجال الاقتصاد والبقالة الإخوانجية".
وأضاف: "الفترة اللى جاية هتلاقى كل رجل اقتصاد أو رجل أعمال فى مجال معين هيبدأ يظهر بديل له إخوانجى" .
وفى طرح آخر للقضية، تحت عنوان "الناس اللى بتقول مشكلة الإخوان مع ساويرس إنه مسيحى، كلامكم مش صحيح.. مشكلة الإخوان مع ساويرس إنه مش إخوانى زى رفيق حبيب "الإخوانى المسيحى".. فاضل 8 بوستات عن ساويرس عشان اسمه بيهيجهم.. فاضل 9 بوستات عن ساويرس لأن مجرد ذكر اسمه بيهيج الخرفان" .
وعلقت مى زكى: "بس على فكرة الإخوان مش بيطيقوا المسيحيين فعلاً دى حقيقة واقعة للأسف"، وأضاف أحمد هيكل: "الإخوان مايهموهمش مسلم ولا مسيحى هما جماعة مكيافيلية يعنى اللى تغلب به العب به.. هما بيحاولوا يزيحوا ساويرس عشان رجال الأعمال الإخوان مش اكتر".
وقال لوكا الرفاعى: "مشكلتهم مع ساویرس إنه لسه مؤمن بمصر وحریتها ولا فارق معاهم قبطی ولا مسلم ولا یهودی حتی مش دیانته اللی مزعلاهم ده اعتناقه لمذهب الحریة والعدالة الاجتماعیة اللی هابلهم وفکرهم أنهم یحاصروه ویخلوه یکفر بالفکرة ولکن هیهااااااااات یاولاد الجزمة" .
وقال طلعت المليجى: "أخونة الاقتصاد المصرى مجرد خطوة فى خطوات أخونة كل أجهزة الدولة ومؤسساتها"، وقال أحمد ثروت: "وحياة أبوك حط بوست قولهم فيه إن أوراسكوم هيا اللى منفذة كل محطات الكهربا اللى هما بيفتحوها دلوقتى ويقولك إنجازات الجحش وأنا راجل اشتغلت فى أوراسكوم واشتغلت فى شركات تانية مالتى ناشيونال ومعايير أوراسكوم زيهم وأحسن، وعشان كده بيقدم على المشاريع دى شركات عالمية وأوراسكوم هيا اللى بتاخدها وأصلاً مشاريع أوراسكوم بره مصر أكتر من اللى هنا، السخنة أوراسكوم أبو قير، أوراسكوم القطة، أوراسكوم المتحف المصرى اللى شغال دلوقتى أوراسكوم بغض النظر عن أى حاجة، وأنا أصلاً راجل جاحد بس دى ناس فعلاً بتبنى، مرتب العامل فى أوراسكوم 1700 فهمهم والنبى ده العامل يا شيخ مرسى ها أبقى هات ابنك شغلو عامل فى أوراسكوم، وأهو أحسن من الـ 900 اللى كان عاوز ياخدهم عشان بيحب مصر" .
وتابع "طارق " قائلاً: "أيوة أنا فى المدرسة مدرسين الإخوان كل أما بيخوشوا يقعدوا يقولو اللى خارب البلد نجيب ساويرس النصرانى حارقهم أوى … إديلهم جامد بقى عشان اتفقعت" .
وكتب أحمد راشد: "قطر استغلت أزمة مصر والجزائر لخطف استثمارات ساويرس هناك ودلوقت بيستغلوا دلاديلهم الإخوان لخطف استثماراته فى بلده" .
