بحبِك موت

علمتينى أكتب شعر
وأنا اللى عمرى ما كنت شاعر
خليتينى زى نـهـر
أفيض بِـحُبِّك
والمشاعر كنت قبلِك حد مَيِّت
لما شافِك فجأة
قام والسنين مرت
وعدِّت مش فاكرهم حتى كام
فجأة شفتِك
زى نجمة فِ السما بتشِعّ ضَي نفسي أروحلِك
وأوهبِك عمرى اللى جاى بس شاورى
وأبقَا فورًا بين إديكى
إنتى بس تؤمرى
اسرقينى بنظرة واحدة من عنيكى
ارسمينى وردة حلوة فوق خدودك
وافرحى
اكتبينى فِ كل غنوة
يالا قولى وصرّحى
م اللحظة دية أنا كلى ليكى
وحابعت روحى تناديكى
يا ست الكل يا أميرة
ما تيجى ف حضني أخبّيكى
يا أولى وتانية وأخيرة
بادعى ربي يحميكى
بحبِك موت !!