بالصور.. القمامة تحاصر منطقة الدراسات بالمنصورة
سادت حالة من الاستياء بين أهالي منطقة الدراسات التابعة لمركز المنصورة بمحافظة الدقهلية، بسبب تراكم القمامة، فى المنطقة وانتشار الأوبئة والروائح الكريهة.
ورصدت عدسة «فيتو»، تراكم القمامة بمنطقة الدراسات وسط غياب المسئولين.
ويقول أحد أصحاب المحلات التجارية بالمنطقة: «الزبالة تتراكم وعمال النظافة لا يأتون إلا بعد إرسال عدد كبير من الشكاوى، وإحنا تعبنا من الرائحة اللي بنشمها وبعتنا للمسؤولين أكتر من مرة دون مجيب».
وأضاف أحد سكان المنطقة: «الزبالة دى بقيت حاسس إنها جزء منى لأن أنا عايش فى مجتمع لا يهتم بالنظافة نعمل إيه نبيع بيوتنا عشان المسؤولين اللى قاعدين على مكاتبهم ومش عاوزين يشوفوا الناس وبيبعتوا تقارير للوزراء وخلاص».
وتابع أحد السائقين: «إحنا بناشد المهندس إبراهيم محلب إنه ينزل يشوف المنظر دا إحنا عارفين إن عامل رئيسى إننا اللى بنرميها ولكن فى عمال بردوا لازم يشتغلوا كل واحد له دور».
