«الكلب خد حقه» يشعل تويتر.. إيمان: «أُطالب بالمساواة بالكلاب».. أحمد: «لو عايز حقك اعمل نفسك كلب».. نوارة: «دلوني على دكتور يحولني لكلبة».. محمد:«نامي يا أ
دشن نشطاء "تويتر" هاشتاجا ساخرا بعنوان "الكلب خد حقه"، بعد قرار محكمة جنح شبرا الخيمة، بحبس المتهمين بتعذيب وذبح "كلب الأهرام" 3 سنوات مع الشغل، مؤكدين أنه بإمكان المواطنين التحول إلى كلاب للحصول على حقهم.
التحويل للكلاب
فقالت نوارة نجم "أنا أعرف أن فيه عمليات بتحول الرجالة ستات والستات رجالة.. حدش يكسب فينا ثواب ويدلنا على دكتور يحول البني آدمين لكلاب؟ الكلب خد حقه.. اللي معاه كلب يمشي ع المية.. الكلاب أكيد دلوقت بتشتم بعضها: يا إنسان يا ابن الإنسان.. أهو أنت اللي ابن ستين إنسان.. أنا أي حد حيكلمني بعد كده ما عنديش له غير رد واحد: هوهو هوهو هوهو".
وأضاف أحمد مدني: "حقوق الحيوان دلوقتي هتاخد أعلى من حقوق عين شمس.. الهوهوة هي الحل"، وذكر صبري ماكن: "اللي قتل الكلب اتحاكم.. طيب بالنسبة للناس إلى سرقت السيد الكلب أيه؟؟؟؟ الكلب خد حقه".
"مفيش ظلم تاني"
وقال أمير أوفيس: "مفيش ظلم تاني الكلب خد حقه"، وكتب طارق عامر: "بعد كدة لو أي ظابط وقفني في لجنة هنزل أقول له أنت ماتعرفش أنت بتكلم مين، أنا عندي ريكس بوكسر يبهدلك، الكلب خد حقه".
"مفيش ظلم تاني"
وقال أمير أوفيس: "مفيش ظلم تاني الكلب خد حقه"، وكتب طارق عامر: "بعد كدة لو أي ظابط وقفني في لجنة هنزل أقول له أنت ماتعرفش أنت بتكلم مين، أنا عندي ريكس بوكسر يبهدلك، الكلب خد حقه".
وأشارت إيمان أبو العيون: "بما أن الكلب خد حقه وبسرعة، وفي حالة عدالة ناجزة نادرة للغاية، لازم نطلب المساواة".
اعمل نفسك كلب"
وعلق أحمد رضوان "اعمل نفسك كلب لو عايز حقك"، وأضاف عمرو: "الكلب خد حقه إحنا ممكن نسمي كل اللي ماتوا من ثورة يناير كلاب عشان حقهم يرجع".
وعلقت منة قائلة: "وسيشهد التاريخ أن الكلب خد حقه في أقل من ست جلسات".
خليكوا شاهدين
وقال محمود بوك: "مكاسب 25 يناير الكلب خد حقه بس البني آدم لسه.. الصبر حلو مافيش كلام".
وأضاف شريف فرج: "وأحب أسمع أغنية خليكوا شاهدين يا بهايم على ظلم البني آدمين للرائع شكوكو، الراجل قالها من أكتر من نص قرن الكلب خد حقه".
وأكد خالد بيبو "الكلب خد حقه ولسه شايف كلب من شوية ماشي مأنتخ بيهز لي ديله"، وقال محمود عيسى: "اليأس خيانة، الكلب خد حقه".
وأضاف هشام الطيب "عقبالك يا بني آدم، الكلب خد حقه"، وتابع: "الكلب خد حقه وإحنا اللى مفكرين المساواة غلط.. أحبيبي يا كلبي".
