أبين زين وأضرب الودع

أبين زين.. وأقول على المستخبى واللى مش معروف.. أضرب في ودعى.. وتمللى بادعى.. والمستخبى باقوله ع المكشوف

أيمن يانور أنت قاعد برَه تعمل إيه.. خطيب قناة للجزيرة ياثورجى ؟ قول ليه.. تركت أهلك ووطنك اللى عايش فيه.. ورحت تخطب مع كل اللى حقدوا عليه.. بقت قناة الجزيزة منبرك.. جرى إيه؟..هي الحكاية كلام في كلام كتير نحكيه.. وبقى النضال في الخطب مش في الميدان نلاقيه.. كان نفسى أشوفك في مصر وتعترض حاكميه.. وتقول لنا رؤيتك وكل شيء تبديه.. وانت هنا معترض وسط الوطن تحميه.. حنكون معاك مهما كان رأيك شديد نراعيه.. واقبل نصيحتى بلاش تمشى وراء معاتيه.. مفكرين الهجوم على مصر فيه تنويه ؟.. بحقد أو بلبلة داخل قلوب تخفيه.. عن شعب واعٍ ومدرك كل ما تحويه.. خطط لهدم الشعوب وبغدرها ترميه.. وأظن مافيش لزوم لكل ما تعنيه.. تصاريح هنا أو هناك منه وله وإليه..الخطة واضحة ومكشوفة بما تطويه.. من ألعبان كل حبة يبتدى تشويه.. بنقول له بطل تلاعب كل ما ترويه.. تجنيات ع الوطن.. وبالكلام تجافيه.. ممكن وطنك في يوم كان معين لكل ما تعانيه.. وانا قلت كل اللى عندى للجريح تداويه.. وياريت كلام الأكابر يفهموا معانيه.