بالفيديو.. المتهمون بذبح «كلب الأهرام» يعترفون بتفاصيل الجريمة الوحشية
عرض الإعلامي وائل الإبراشي مقدم برنامج "العاشرة مساءً" على شاشة "دريم2"، مقطع فيديو لاعترافات المتهمين بذبح "كلب الأهرام" بمنطقة شبرا.
قال أحمد عزت: "في شهر 11 اللي فات أنا كنت واقف في المحل ولقيت نادر جايب الكلب ومعاه ابن أخته اللي هو محمد سيد، وعايزين يفتشوا المحل، فقولتلهم لا أخرجوا برا، فسيب الكلب عليا، الكلب جرجرني من رجلي وطلعني برا المحل".
وقال المتهم الآخر محمد حمدي: "أنا مكنش ليا في المشكلة ولا أعرف الحكاية إيه، أنا كنت ماشي في الشارع ولقيت كلب هايج على الناس في الشارع، وبيشد أحمد من رجليه بيطلعه برا المحل، وبعد كدا مسك راجل كبير وهجم عليه، فأنا بقوله شيل الكلب بتاعك، فساب الكلب عليا، والكلب عضني وأنا بقالي 4 شهور بتعالج في المستشفيات من العضة دي، ومشفتش حد طلع اتكلم على اللي حصلنا".
وأشار عمرو إبراهيم إلى أن صاحب الكلب كان على علم بأن الأهالي سيذبحوا الكلب ووافق على ذلك، لافتا إلى أنه أول من وجه الضرب للكلب.
وتابع،" أنا كنت رايح شغلي ولما شفت اللي في الكلب بيجري ورا الناس في الشارع، جبت سكينة من سوبر ماركت عشان أحاول أمسكه مع الناس، لكن السكاكين دي مكنتش معانا".
