بالفيديو.. أغرب الردود حول «لو سعر السجائر زاد تاني هتشربها؟».. محمد: «هسرق فلوسها»..عصام: «هعمل ثورة »..خالد: «هشرب شيشة».. طه: «لو غليت خمس أضعافها هشربه

أثار قرار زيادة الضرائب على السجائر المحلية والمستوردة، رودود أفعال غاضبة، حيث أبدى البعض استياءه من القرار، وأكد آخرون عدم قدرتهم على سد احتياجاتهم الأساسية للمعيشة، معلنين نيتهم الإقلاع عن التدخين، ونرصد ردود أفعال الشارع حول سؤال «لو سعر السجائر زاد تانى هتشربها؟".

هسرق فلوسا
قال محسن الأنصارى: "حرام لو زاد سعرها تانى، ده هى الحاجة الوحيدة اللى بنطلع غضبنا فيها، ولو غليت عن الأسعار الحالية هبطلها هحاول استغنى غنها"، بينما قال محمد سليم: "تغلى تانى!.. حرام فعلًا.. أنا عن نفسى هسرقها لو زادت أسعارها عن كده".

هعمل ثورة
وذكر محمود السيد: "هشرب السجائر برضه، متعود عليها، مش هعرف أبطلها، وكمان خلاص النيكوتين بقى فى دمي"، بينما قال عصام عطية: "هحاول أبطلها لو زادت أكتر من كده، لو ما عرفتش أبطل هنعمل ثورة"، وتابع خالد أحمد: "هحاول أبطلها، لو معرفتش، هشرب شيشة".

لو خمس أضعافها
وأوضح طه حسنى: " لو زاد سعر السجائر 5 مرات هشربها، أصلى أتعودنا عليها، وإحنا شعب عنيد بطبعه مش هنبطل شرب سجائر"، وأضاف ممدوح محمد: "هبطل اشتريها، وأتأقلم على عدم وجودها، لو قدرت يبقى الحمد لله هحافظ على صحتى وأوفر فلوسى".