بالفيديو: ردود المواطنين على رفع أسعار السجائر.. منير: «هبطل غصب عني».. محسن: «نسبة المدخنين هتقل».. أدهم: «مش كفاية الزيادة في السلع التانية!».. لطفي: «هاشربها حتى

ما إن تداولت وسائل الإعلام قرار زيادة الضرائب على السجائر المستوردة والمحلية، حتى توالت ردود الأفعال، خصوصًا ممن يتناولونها يوميًا؛ «فيتو» رصدت رد فعل عدد من المواطنين على القرار الجديد.

هبطل غصب عني
منير صدقي قال: «هبطل غصب عني.. دي كانت من أهم الحاجات إللي لازم اشتريها يوميًا». فيما ذكر أدهم محمد: «مش هاشرب سجاير تاني، مش كفاية الزيادة اللي بنشوفها في أسعار الأكل والشرب، حرام ده الشعب مش قادر».

بينما علق على ماهر، قائلا: «مش عارف هعمل إيه؟.. المرتب كان مكفي بالعافية، ومش هقدر أبطل». ورد محسن أحمد صاحب أحد المحال: «مش عارف هبيعها للناس إزاي، أكيد نسبة الإقبال هتقل كتير، القرار هيقلل نسبة المدخنين بنسبة كبيرة».

زي الأكل والشرب
من جانبه، قال لطفي عبيد: «بردوا مش هبطل تدخين حتى لو بقت العلبة بـ 100 جنيه». فيما أضاف مينا سمير: «أنا مش مؤيد للقرار خالص، بس هبطل تدخين عضب عني هجيب كل ده منين».

وأوضح كامل السيد: «السجائر عندي زي الأكل والشرب ومقدرش أبطلها، أنا لازم أولع سيجارة أول ما أصحى من النوم، أنا اتعودت على كده».

الأعلى استهلاكًا
ولا يخفى على أحد أن مصر تعتبر من أعلى دول العالم استهلاكًا للسجائر، وترتفع نسبة التدخين بين المصريات كذلك، رغم أضرارها المالية والنفسية والصحية، وتحذيرات مساعدتها على انتشار المخدرات بين المواطنين وزيادة معدل الجريمة.

كانت الجريدة الرسمية، نشرت في عددها الصادر اليوم الأحد، قرار رئيس الجمهورية عبد الفتاح السيسي، بالقانون 12 لسنة 2015، بتعديل بعض أحكام قانون الضريبة العامة على المبيعات والصادر بالقانون رقم 11، وبموجب التعديل الجديد، زادت فئة الضريبة على السجائر المستوردة والمحلية إلى ٥٠٪ من سعر بيع المستهلك.

كما ارتفعت قيمة الزيادة إلى 225 قرشًا للعبوة، التي لا يزيد سعر بيع المستهلك النهائي عن 10 جنيهات، و325 قرشًا للعبوة التي يكون سعر بيع المستهلك النهائي أكثر من 10 جنيهات وحتى 16 جنيهًا، و425 قرشًا للعبوة التي يكون سعر بيع المستهلك النهائي أكثر من 16 جنيهًا.