الجماهير بعد هزيمة الأهلي.. بوس بوس: «في الفوز أزداد بك فخرًا وفي الهزيمة أعشقك ».. الأباصيري: «يوم هزيمة الكبار».. محمود: «مازلنا أبطال العالم».. إنجي: «أحب أسمع وا
انتاب رواد مواقع التواصل الاجتماعى، حالة تمزج بين السخرية والعشق للمارد الأحمر، عقب تتويج فريق وفاق سطيف الجزائرى ببطولة السوبر الأفريقى لعام 2015 على حساب النادي الأهلي، في المباراة التي أقيمت على ملعب مصطفى تشاكر، مساء اليوم السبت، وانتهت لصالح وفاق سطيف بضربات الجزاء، ومن جانبها رصدت «فيتو» أبرز التعليقات:
بوس بوس: «في الفوز أزداد بك فخرًا.. وفي الهزيمة أزداد لك عشقًا»
إبراهيم السعيد: «عن جمهور فرحته الوحيدة هزيمة الأهلي الحرمان وحش مفيش كلام»
محمود جابر: «انت جاى تصد ولا جاى تتفسح يا شريف؟ لأ جاى أتفسح الصراحة»
باسم سعد: «مش فارق معايا الخسارة أنا معظم الماتش حاسس إنهم بيلعبوا في القاهرة.. رجالة»
محمد صلاح: «ما تنسيك فرحتك بهزيمة الأهلي المستحقة هزيمة برشلونة المستحقة يوم جميل بهزيمتين ثقيلتين»
توت عنخ كمون: «مبرووووك لـوفاق سطيف بكل روح رياضية»
حامد صالح: «أنا مستوعب عادى إن الأهلي خسر.. بس اللى مش قادر أستوعبه بجد هزيمة برشلونة في الكامب نو النهاردة من ملقا»
أحمد فرانكو: «الناس الشمتانة في هزيمة الأهلي أحب أقولكم إننا بنخسر نهائيات بطولات مش بنخرج حصالات في المجموعات»
محمود الشريف: «بغض النظر عن أن الأهلي اتغلب بضربات الترجيح.. مش مهم مازلنا أبطال العالم»
نهى الجبالى: «المشكلة بقى إن اللى فرحانين دووول آخرهم كأس مصر»
إنجى إسماعيل: «مبروك لفريق وفاق سطيف الجزائرى الشقيق الفوز على الأهلي المصرى وأحب أسمع أغنية والله وعملوها الرجالة»
الأباصيرى: «في نفس اليوم اللى يتغلب فيه الأهلي من وفاق سطيف يتغلب المان يونايتد من سوانزى سيتى ويتغلب برشلونة من مالاجا..21 / 2 / 2015 يوم هزيمة الكبار»
عمر أفندى: «مش لازم الزملكاوية يفرحوا على هزيمة الأهلي وينسوا إن الأهلي وقف معانا وقفة رجالة في عز المحنة هارد لاك الأهلي زملكاوى متعصب».
