مستشار شيخ الأزهر: "اللي مات ولاد مصر كلها ولازم نجيب حقهم"
أعرب الدكتور محمد مهنا، مستشار شيخ الأزهر، عن استيائه من عرض الفيديو الخاص بقتل الـ21 مصريا المختطفين في ليبيا، مؤكدا أن الإعلام يساعد الإرهابيين في الوصول إلى هدفهم، وكسر عزيمة المصريين ونشر الخوف والرعب.
وأضاف خلال مداخلة هاتفية بالإعلامي محمد شردي مقدم برنامج "90 دقيقة" المذاع على شاشة المحور مساء اليوم الأحد، "لازم نعتمد على نفسنا في محاربة الإرهاب، مش هنستنى حاجة من الغرب ولا من الشرق، الإرهاب بيهدد حياتنا كلنا، الإرهابيين دول اتربوا في أحضان الغرب عشان ينفذوا مخططات الغرب في ظل الفوضى الخلاقة التي صنعوها في المنطقة العربية".
وتابع: "مصر هي التي ذُبِحَت اليوم بسكين الغدر والوحشية، عشان كدا لازم نبيد الناس دي، الناس اللي ماتوا ولاد مصر كلها ولازم نجيب حقهم".
