«تعريف الحب» يتصدر «تويتر».. نسمة: «أجمل إحساس في الكون».. أماني: «الألفة ورفع الكُلفة».. بوس بوس: «السكر اللي بيترش على الحياة».. نادر: «لما تلا

تزامنًا مع عيد الحب المعروف بيوم «الفلانتين» يحاول المحبون ابتكار أفكار مختلفة لإثارة إعجاب الطرف الآخر، ودشن نشطاء موقع التواصل الاجتماعى «تويتر» هاشتاجًا تصدر أكثر المواضيع تداولًا حول العالم يحمل عنوان «تعريف الحب»، عبروا من خلاله عن ما في قلوبهم، ومن جانبها رصدت «فيتو» أبرز التعليقات.

نسمة أحمد: «على رأي الأخت إليسا أجمل إحساس في الكون».
أم عبد الله: «يملأك بالأمل يدفعك للعمل يجعل لك هدفا يذلل لك الصعاب يبشرك بالسعادة يشعرك بالإنجاز».
عبير: «هي حاجة مالهاش تعريف أصلا».
أنغام: «الـحب ده إحـساس يـا خـلف.. بس أنـا جعـان بصـوت أحـمد السقـا».
نادر بن صالح: «لما تلاقي نفسك فاتح بؤك زي العبيط ومبتسم وأنت مش عارف ليه».
أمانى: «الحب هو الألفة ورفع الكُلفة، الحب هو أن تجد نفسك في غير حاجة للكذب، أن تصمت فيحلو الصمت ويتكلم أحدكما فيحلو الإصغاء».
نفسى أحب: «احتلال اللي بتحبه لتفكيرك وخيالك».
إبراهيم: «هو الغلطة الوحيدة اللي تفضل تندم عليها طول عمرك».
سلمى: «عنيه اللى بتضحك لما بتشوفنى، دفا صوته».
بوس بوس: «هو السكر اللى بيترش على الحياة».
شوشو: «هو حاجة كدة ممكن تخليك أسعد إنسان ف الدنيا وممكن تخليك دايما زعلان على طول هو دايما بيجى صدفة».
حلم: «مالوش تعريف ولا أسباب هو نوع من الجنون يضرب القلب».
زواوى: «اللي يقولك الحب ملوش علاقة بالشكل وﻻ الحالة المادية ده كداب متصدقوش».
مشروع مهندس: «مفيش حاجة اسمها حب كلها عبارة عن نشوة لفترة معينة والدليل ع كدا أنك ممكن تشوف أكتر من شخص في يوم واحد وقلبك بيميل ليهم كلهم».
الصندوق الأسود: «حاجة ملهاش لزمة بتخليك عايش على أعصابك بتفرحلك شوية وبتموت بقيت عمرك ».
أحمد محمود: «الحب موجود بينا وعمره ما كان محتاج أن يكون فيه عيد علشان نحتفل بيه لأن لولا الحب كنا هنتحول لغابة».
بوبو: «الحب حاجة حلوة هما بيقولوا».
أسامة القواص: «كأس من اللبن حلو المزاق عظيم الفائدة».
ندى حمدى: «هو ورطة وغلطة يا تخيب يا تصيب يا تجيبلك جلطة».