محمد صلاح لـ «جمهوره»: «تفاءلوا بالخير تجدوه»
طالب محمد صلاح، لاعب فريق فيورنتينا الإيطالي، متابعيه بالتفاول، قائلًا عبر حسابه الشخصى على موقع التواصل الاجتماعى «تويتر»، اليوم الخميس: «تفاءلوا بالخير تجدوه».
وأضاف: «كله بيتكلم أن الدوري يرجع بسرعة ده تمام بس هو حق الناس اللي ماتت هيرجع بسرعة، أنا تقريبا مشوفتش كومنت واحد فيه تفاؤل ولا حتى بيقول إن فيه أمل إن مصر تبقا أحسن وكل الرد من الشباب أمال فين التفاؤل؟».
وتابع: «أنا بقول اللي شايفه لو كل واحد عايز البلد تتقدم يبدأ بنفسه يشوف كده قبل آخر اليوم هو عمل إيه في يومه كله يشوف هو سلبي ولا إيجابي، والله أنا مش بقول كده علشان أتفلسف على حد بس فعلا والله أي كتاب قريته أو أي شخص ناجح قابلته قالي نفس الكلام».
واختتم: «إنت عملت إيه يفيد البلد في حياتك علشان مستني إن البلد تفيدك وترد لك الجميل؟».
