بالصور.. بلطجية على الطريق الصحراوي
رأيت هذه الاستغاثة وأردت أن أشارك بها لعلها تنقذ شخصا ما، « لسه من شوية وأنا راجع لوحدى بالعربية من المطار، على الطريق الصحراوى عند منطقة "أبو تلات" مرة واحدة اتحدف بيض على الزجاج الأمامى للعربية، وطبعا كلنا عارفين النوع دا من السرقات إنهم يحدفوا بيض على الزجاج الأمامى للعربية، فيكون رد فعل السائق الطبيعى أنه يشغل المساحات ويحاول مسحه لكن اللى بيحصل إنه كده بيطينها أكتر وبتنتشر على الزجاج كله. فيتوقف وينزل السائق لمسح الزجاج وعندها تهجم باقى العصابة وتسرق العربية.
بس الحمد لله الحمد لله إنى كنت عارف النوع دا كويس من السرقات ف عشان كده ما استعملتش المساحات ولا توقفت غير لما وصلت العجمى. ودى صور للمنظر من جوه ومن بره».
