فريق كرة اليد القطري بلاعبيه الروس يثير سخرية نشطاء "تويتر"

فتحت سخرية الفنان نبيل الحلفاوي على فريق كرة اليد القطري المكون من اللاعبين الروس فقط، الباب لسخرية عدد من نشطاء تويتر على الفريق الذي يلعب في مونديال كرة اليد إسبانيا.

وكتب الحلفاوي على "تويتر" تغريدة قال فيها: "فريق قطر لكرة اليد.. أول فريق (عربي) يصل للنهائي.. تهنئة لنجم الفريق الشقيق ساريتش ورفاقه الأشقاء: ماركوفتش وممسفتش وستوجانوفتش وبرتراند ورافاييل".

وعلق خالد عصام زكي: "مش بعيد قبل بداية البطولة 2022، يشتروا نادي برشلونة وريـال مدريد عشان طبعا كلنا عارفين إنه قطر عريقة رياضيا من الناحية الشعبية".

وسخر محمد "نويتو": "السؤال اللى بجد.. فيه حد في قطر فرحان بكده. يعني لو خدوا كأس العالم هينزلوا في الشارع ويهيصوا وكده ويهتفوا لكل فيتش وبيتش.. إيه الميزة أجيب لعيبة مرتزقة وآخد بهم الكأس.. اللعيبة اللى عندى تعمل اللى عليها.. ومش مهم النتيجة.. دى رياضة".

وقال محمد كمال: "لأ الجمهور بقى إخوان يزأرون في المدرجات: هيا هيا ماركوفتش"، وعلقت مروة كامل: "والنبي معلم يا قبطان... ومهما عملوا مش هيعرفوا يعملوا أهرامات وأبو الهول".

وسخر إبراهيم الشيخ قائلا:" وفي إطار بحث دولة قطر الشقيقة عن دور وظيفي أكبر في الشرق الأوسط، تسعي جاهدة لاستضافة موسم الحج القادم على أراضيها".