بالفيديو.. محمد شردي يهاجم الإخوان الشامتين في وفاة الملك عبد الله
وجه الإعلامي محمد شردي، مقدم برنامج 90 دقيقة، رسالة شديدة اللهجة، إلى جماعة الإخوان الإرهابية، الشامتين في وفاة الملك عبد الله بن عبد العزيز خادم الحرمين الشريفين، قائلا: "شوفوا إنتوا قد إيه وشوفوا الناس الحزانة على الراجل المحترم دا قد إيه، وإن كنتوا مسلمين فعلا هو فيه شماته في الموت؟، إنتوا كنتوا بتكرهوه عشان وقف جنب أغلبية الشعب ودعم 30 يونيو، وعشان رفض يدعمكم زي ما باقي الرؤساء دعموكم بالفلوس، ولا عشان كان أحد أسباب إن حلمكوا في السيطرة على الوطن العربي ضاع، إنتوا أقزام وبتظهروا القذارة بتاعتكوا قدام رجال بهذا الحجم".
وأضاف: "تعليقاتكم على وفاة الراجل دا ملهاش أي قيمة وهتترمي في مزبلة التاريخ، والتصريحات بتاعتكوا دي زعلت مصريين كتير، عشان نفسهم يردوا عليكوا بس إحنا مش طايلين حد فيكوا، الرد الوحيد على الكلام دا إنك تأخد قلمين على وشك وقلمين على قفاك، عشان تبطلوا تقولوا الكلام دا، إنتوا متعرفوش غير أسيادكم ومرشدكم".
